Vawiin khan Lawngtlai District chhunga AH & Vety Department hnuaia field assistant leh doctor-te tan AH & Vety Farmers' Training Hall, Lawngtlaiah ran natna hri inkai chhawn dan leh inven dan zir hona buatsaih a ni.
"Prevention and Control of Infection and Contagious Diseases in Animals Act 2009 & Rules 2015" tih hmanga he training neih hi District AH & Vety Officer Dr B. Zonghinga chuan a kaihruai a. Joint Director (Lifestock Health) Dr Hmarkunga chuan kal khawmte zirtirin, ran natna inkai chhawn theih darh zau zel tur laka inven dan leh hemi chungchanga sawrkarin dan a siamte a sawi fiah a. Joint Director (Planning) Dr Jasper Rongura Sailo leh Joint Director (Southern Zone) Dr Lalnuntluanga Colney te pawhin thu an sawi.
He training-ah hian Lawngtlai District chhunga AH & Vety Dept hnuaia doctor-te leh Vety Field Assistant (VFA) thahnem tak telin, hlawk takin hun an hmang a ni.
