Rashtriya Krishi Vikas Yojana (RKVY) Scheme atangin vawiin khan State sorkar hnuai a AH&Vety Department chuan Lawngtlai ah chhungkaw 75 hnenah Vawkte , Vawkpui atana vulh tur pahnih theuh an semchhuak.

He hun District AH&Vety Office Complex a neih ah Dr. Lalnunhlima Ralte District AH&Vety Officer chuan kumin chhungin chhungkaw 130 hnen ah vawkte pahnih theuh leh chhungkua pariat hnen ah vawkte panga theuh, a vaiin vawkte 300 semchhuah tum a nih thu sawiin, Vawk note dawngtute’n an vawk dawnte tha taka enkawl a, vulh puitling ngei turin a chah a, tha taka an vulh theih chuan ram tan chhenfakawm tham a ni dawn a ni a ti. RKVY hnuaiah Lawngtlai District chu Vawk note semchhuah dawng hmasa ber a nih thu a sawilang tel bawk.