Vawiin khan Lawngtlai CMO Conference Hall-ah Lawngtlai Block huam chhunga health worker-te tan Rashtriya Swasthiya Bima Yojana (RSBY/Health Care Enrollment) 2018-2019 chungchang zir hona buatsaih a ni.
He training hi Chief Medical Officer Dr Thani Pachuau chuan kaihruaiin, kum kal taa RSBY scheme lo kalpui tawhah mipui lamin an ngaihsak tha tawk lo nia a hriat thu a sawi a. Kum thar atan enrolment thar tih a nih dawn avangin a hma lama lo inbuatsaih lawk a, damloh nikhuaa buai chuk loh nan mipuite’n an tih turte tha taka tihlawhtling tura a duh thu a sawi bawk.
He training-ah hian Lawngtlai Block huam chhunga health worker 23 te chu an kal kim vek a. Resource Person Dr Biakthansangi, CEO, Healthcare, H&FW Dept chuan kal khawmte chu RSBY enrolment kalpui dan tur a zirtir a ni.
RSBY scheme hi kumin atangin enrolment tih thar leh tur a ni dawn a, thla pawh a thara lak vek tur a ni. RSBY-a inziak lut theite chu intimation slip pek chhuah an ni ang a, intimation slip dawng lote chu health care man to Rs 500, Rs 750 leh Rs 1000-in an inziak lut thei bawk ang. He scheme tharah hian a nghet lova sawrkar hna thawk, sawrkara medical reimbursement bill thei lote paw’n an tu leh fate inenkawlna thlengin an bill thei tawh dawn a ni.
He training-ah hian zawhna leh chhanna hun hlawkthlak tak hman a ni a. Naktuk lam hian Bungtlang Block, Sangau Block leh Chawngte Block-ah te training hi neih chhunzawm a ni ang.
