India  Republic Day  2018 chu India ram  hmun hrang hrang a hman a nih rual in Mizoramah pawh Aizawl leh District hrang hrangah Ni 26th January,2018  hian  hman a ni anga, tunah hian inbuatsaihna pawh a kal mek a ni.

Republic Day vawi 69 naah hian  zing ni  chhuah rualin Sawrkar leh Mimal Inah te  Hnam Puanzar  pawhpharh a ni anga, Sakhaw  hrang hrang leh Kohhran hrang hrang te chu Ram himna leh  inlungrualna  atan  tawngtaina  nei tur a ngen an ni.

Aizawl ah chuan Aizawl Sipai Lammual-ah a lawmna hun neih a ni ang a, Khuallian atan Mizoram Governor Lt. Gen. Nirbhay Sharma, PVSM, UYSM, AVSM, VSM  a ni ang a, zing  dar  8:58  ah Khuallian hi a lo thleng ang a, Dar 9 AM ah  Hnam puanzar a pawtpharh  ang. He mi ni atana  Parade  Contingent  hrang hrang te  a  tlawh kual hnu in  Republic Day thuchah a sawi nghal ang.

National/State Awards dawng turte khuallian hian a hlan ang a, parade contingent ti thate hnenah lawmman a sem nghal bawk ang.

Chhun dar 11:00 ah sawm bikte tan Governor tualah Republic Day At Home neih chhunzawm nghal a ni ang a, hetah hian 1st BN MAP Brass Band ten kalkhawmte hi rimawiin an awi ang. 

Republic Day Aizawl Sipai Lammual a hman turah hian kal tur leh tel ngei turin mi zawng zawngte sawm an ni.