Vawiin khan Lawngtlai DC Conference Hall-ah kumin MLA inthlanpui lo awm tura Lawngtlai District huam chhunga Sector Magistrate tura ruat mi 16 ten Training an nei.

Election Commission of India-in a ruahman angin kumin inthlapui lo awm tur atan hian District huam chhunga khaw hrang hrangte chu sector ah then sawm niin sector khatah hian khaw 10 atanga 12 inkar an awm  a, Lawngtlai District huam chhungah pawh sector 16 siamin heng sector te vil tur hian Officer fel leh rintlak tak tak te ruat an ni. Heng sector viltu turte hi Magisterial Power pek an ni bawk.

He training-ah hian Election Commission of India Returning Officer’s Hand Book-a Sector magistrate hna tura tar lante chu zirho a ni a. Sector Magistrate kal khawmte hian an hriatthiam loh laite, harsatna la awm palh thei thilte leh chung a lo thlen palh pawha chin fel thuai a nih theih dan turte zawtin an sawi ho a ni.

Election Commission of India Instruction in a phut angin Sector Magistrate te hian tih tur pawimawh hrang hrang heng; Inthlanna hmun hma buatsaih te, Inthlan hmaa a vote thlak tu turte hrilh hriatte, an enkawl huam chhung Map siam te, Inthlan ni a thlen dawn a en fel tur thilte, inthlan ni a an tih turte, inthlan zawh hnua an tih fel tur hrang hrangte  siam sak an ni.

He zir hona hi Additional DC Pu R. Lalsangluaia, MCS, leh Election Officer Pu VL Remliana, MCS ten an kai hruai a, Electronic Voting Machine (Vote thlakna khawl) chin fel dan leh a khawih vel dan chu Pu Vanlaltanpuia MCS, SDC Lawngtlai chuan a zirtir bawk a ni.