Khawvel hmun dangte rualin vawiin hian Lawngtlai ah World AIDS Day hman a ni a, HIV/AIDS chungchang inzirtirna lam hawi leh Day pual rally neih nghal a ni.

Vawiina World A IDS Day Lawngtlai a hmanna hi Gilead Drop-in Centre Lawngtlai, World Vision India, Lawngtlai District leh Christian Medical Association of India tangkawp te buatsaih ani a. Hun bul lam chu Lawngtlai Bazar a Areopagy-ah hman niin Pi Vanlalhlupuii Fanai President MHIP Sub-Hqrs.Lawngtlai in a kaihruai a, AIDS chungchang thusawi leh lemchan te entir a ni. He ni pual hian Lawngtlai khawpui chhungahTwo Wheeler Rally neih nghal a ni a, Rally hi Lawngtlai S.P Pu Zosangliana,MPS in a vailiam a ni.

Hemi hnu hian Lawngtlai khawpui chhung hmun thum ah Day pual hian hun hman chhunzawm a ni bawk.

Report a a lan danin Lawngtlai District ah tun dinhmunah HIV + 158 an awm mek a, heng zing a 16 chu naupai mek an ni.