Prime Minister Pu Narendra Modi chuan nimin khan Guwahati Maligaon Railway Stadiumah North East Frontier Railway ina Bairabi atanga Sairang thleng rel kawng Broad Guage a siam tur lungphum a phum. Lungphum phumna inkhawmah hian Chief Minister Pu Lal Thanhawla chu Dintinguished Guest a ni. Tukin zing khan Chief Minister Pu Lal Thanhawla hian Prime Minister Pu Narendra Modi hi Assam Administrative Staff College ah kawm bawkin, boruak tha tak hnuaiah thil pawimawh engemawzah an sawidun a ni.

North East Frontier Railway ina Bairabi atanga Sairang thleng rel kawng a siam tur hi 50.5 KM a thui tur a ni a, Bairabi leh Sairang inkarah hian rel station pathum Hortoki, Kawnpui leh Mualkhangah te dah a ni ang a. Senso tur ruahman chu Rs.2384.34 Crores a ni. Rel tlan chak zawng tur chu Passenger phur rel chu 100 Kmph (darkar khatah km 100 a chakin a tlan thei ang a), bungraw phur chu 65 kmph a ni thung ang. Lei lian siam tur (Major Bridges) hi 42 a awm dawn a, Lei te deuh (Minor Bridges) chu 154 siam a ni dawn bawk a ni. Lei sei ber tur hi 1042.44 metres a ni ang. ROB hi 6 awmin, RUB hi 7 a awm bawk dawn a ni.

Hengte bakah hian lei verh 23 siam a ni dawn bawk a, lei verh sei ber hi 1733 metres a sei a ni ang a, lei verh zawng zawng sei zawng hi 9092 M a sei a ni ang.