2548/2026-2027

Lawngtlai, 7th October 2026 : Vawiin khan  Voluntary Blood Donation (VBD) in Blood Transfusion Services for Lawngtlai chuan Bawrhsap Pu Donny Lalruatsanga kaihhruaiin a Office Chamber-ah thutkhawm an nei.

Pu Donny Lalruatsanga chuan kalkhawmte chibai bukin thisen pek kawnga Association for Voluntary Blood Donation (AVBD) - te hmalakna fakawm tiin an hnathawh a chhuanawm tak zet a ti a. A hun taka damlo ten thisen an dawn hian nunna tam tak chhanhim a ni thin a, Lawngtlai khawpui chhunga Damdawi In pathum ten blood bank - an intawm  avangin thisen tam tawk neih reng a pawimawh hle a ni, a ti. Lawngtlai District- a chengte thisen mamawh phuhruk tura theihtawp chhuah tura AVBD hruaitute chahin Bawrhsap chuan mipuite pawh a thlawna thisen pek uar turin a ngen nghal bawk.

Pu Elvis Lalthangzuala, President, AVBD Lawngtlai  chuan report pekna neiin kumin  September thleng khan  Blood Donation camp - 43 neih ni tawhin, nikum lam aiin a thlawna thisen pek a tam zawk  thu ngaihthlak a ni.

Thutkhawmah hian thil pawimawh tak tak sawiho a ni a. Mega Blood Donation Camp - nei tul tih niin, ni 6 November 2026 - ah neih ni se, Kohhran Thalai Pawl, DIET, ANM, NSS,YLA Branch, Lairam Christian Nursing School, All head of Office te sawm ni se a hmun atan DC Conference Hall ni se an ti a ni.