2547/2026-2027

Dated : Mamit the 7th of october, 2026 : Vawiin khan DUDO Office-ah Pu Suvigya S Chandra, IAS District Bawrhsap chuan temporary shed (hawkers) chu Mamit khawpui chhunga tangkai taka hman turin a vai liam.

Pu Suvigya S Chandra, chuan DUDO Department te'n a vawikhatna atan Street Vendor shed (Hawkers) an buatsaih chu lawmawm a tih thu a sawi a, khawpui chhung pawh a tih mawihnai zawk a beisei thu a sawi a, thilzuartute pawhin uluk leh duat tak leh tangkai taka an hman a, an thil zawrhte tha takin  hralh se a duhsak thu a sawi.

Pu Lalthuama, DUDO chuan report pe-in,  temporary shed (Hawkers) hi Mizoram State Sorkar flagship programme, Bana kaih hnuaia District Catalytic Intervention Plan atangin Deputy Commissioner leh Project Director te kaltlangin Rs.16,35,315/- sengin 22  siam a ni a, heibakah hian UD&PA Directorate atangin DAY-NULM support to urban Street Vendors (SUSV) hnuaiah temporary shed (street vendors) 22, Rs 13,92,000 senga siam leh a ni. Tichuan a vaiin Mamit khawpui chhunga hman tur temporary shed hi 44 siam a ni.

Tempory shed (Hawkers) hi Mamit khawpui chhunga Village Council kaltlangin vengchhunga khawsak harsa zawkte'n leirem an lo rah theihna tur leh eizawnna ngialghet an neih theih nan a Mizoram Sawrkarin a ruahman a ni.

Temporary shed hi a hmang tur te'n Rs. 500/- in an khul dawn a, thlatin Rs. 200/- an chawi ve bawk ang.

Vawiin temporary shed ( Hawkers) vailiamna hunah hian Pu Lalchhanhima, Addl DC bakah khawthlang hruaitute an tel a ni.