2546/2026-2027

Dated : Mamit the 7th of October, 2026 : Vawiin khan DC Conference Hall,Mamit-ah RTI Week, 2026 chu Pu Suvigya S Chandra, District Bawrhsap hova hman a ni.

Pu Suvigya S Chandra chuan langtlang sawrkar a awm theihna tura duan RTI week, 2026 hmang tura kalkhawmte chibai bukin, RTI Act kaltlang hian Sawrkar hna kal a lian atanga a te ber thleng pawha hriat theiha zawh theih a ni a, sawrkar tha tichak tur atan pawha pawimawh tak a nih avangin hman tangkai turin kalkhawmte a sawm a ni.

Pi Biaknungi, DIPRO chuan RTI Act, 2005 sawi zauna leh kalkhawmte zirtirna a lem nen a nei bawk.

Kalkhawmte atangin RTI chungchang sawihona bakah zawhna leh chhanna hun hman a ni. Vawiin RTI Week, 2026 hi Pu Lalchhanhima, Addl DC chuan kaihruaiin, Pu N. Lalzarzova, SDO (S) chuan lawmthu sawina a nei a, Mamit khawpui chhunga SPIO, SAPIO bakah khawthlang hruaitu, tlawmngai pawl leh chanchinbu mite an tel a ni.