2545/2026-2027

Aizawl dated 7th October 2026: Vawiin chhun khan New Secretariat Conference Hall, MINECO-ah Chief Secretary Pu Khilli Ram Meena, IAS kaihhruaiin, ni 13 October 2026-a Mizorama Norh East Bankers’ Conclave buatsaih dan tur sawi hona neih a ni a. Union Minister for Development of North Eastern Region Shri Jyotiraditya Madhavrao Scindia chu khuallian tura beisei niin, Northeast State hrang hrang atanga Chief Secretary, RBI hotute, State Official leh Bank hrang hrang aiawhte he hun ah hian tel tura beisei an ni.

North East Bankers’ Conclave 3.0 thleng tura inbuatsaihna ah hian Union Minister for DoNER dawnsawn dan tur leh hmun hrang hranga tlawh turte sawi ho a ni a. State pawn atanga Conclave chhim tura sawm bikte thlenna tur, chetvelna lirthei ruahman dan leh Security ruahman dan turte en ho a ni bawk. North East Bankers’ Conclave 3.0 a khuallian hian Mizoram tih hmasawnna tura Project 5 hmachhawp kalpui tanna tur lungphum leh Project 5 puitlin tawhte hawnna hun hmang turin ruahmanna siam a ni.

Vawiin thutkhawmah hian Principal Secretary, GAD, DGP, Commissioner & Secretary, Health & Family Welfare, Planning & Programme Implementation, Tourism, Public Works Department, Lok Bhavan, Secretary, Agriculture & Farmers Welfare, Planning & Programme Implementation, Horticulture, Information, Public Relations & Printing & Stationery, Finance, Cooperation, Aizawl DC, SP leh State Protocol Officer, Mizoram University, NEDFi leh Bank aiawhte an tel a ni.