2543/2026-2027

Kolasib, the 7th October, 2026: Nimin chawhnu khan DC Conference Hall Kolasibah Faina kawnga hmalak dan tur ngaihtuahin thutkhawmna Pu H.Dolianbuaia, Kolasib District Bawrhsap hova neih a ni.

Hun khaihruaitu Pu H.Dolianbuaia DC chuan, kan khawtlang a lo faia alo thianghlim zawk na turin tan lak a ngaih thu a sawi a. Sawrkar office te leh NGO leh vantlang mipuite thawhona tha nei a, tan lak a pawimawh thu sawiin, faina leh thianghlimna chuan min tihrisel tu a ni a ti a. Khaw fai inelna Mizoram puma lang pha thei tura tan lak a pawimawh thu a sawi bawk.

He hunah a hian Kolasib khawpui a lo faia a lo thianghlim zawkna tur ngaihtuah a ni a. Pu H.Lalramliana, DUDO le SDO (Sadar) nibawk chuan powerpoint hmangin, inkaihhruaina leh hmalak dan tur kawng hrang hranga entir in rawtna a chhawp chhuah te chu ngaituahzuih a ni.

He thutkhawm a hian October thla chhungin faina hnatlang vengtinah VC kaihhruaina in koh nise tih a ni a. Office, Quarters leh a vel zawng zawng tihfai tur a ni a. Zirna in hrang hrangah pawh faina beihpui tlak tur a ni ang a, DEO in hma lo la se tih a ni. Faina chungchangah Kohhran hrang hrang pawh thawhpuia sawm nise tih a nibawk.

He thutkhawma hian, Kolasib huamchhunga sawrkar office hrang hrang aiawh an tel kim hle.