2544/2026-2027 

Dated Khawzawl, the 7th October, 2026 : Vawiin khan Neihdawn Community Hall-ah Farmer Award dawngtu Pu PC Lalrinmawia, Neihdawn khua chawimawina hun hman a ni. Pu PC Lalrinmawia hian Indian Institute of Horticultural Research, Bangalore (IIHR-NEH) atangin ni September 5, 2026 khan Innovative Farmer Award a dawng a ni.

He hun hi Dr. Malsawmkimi, Senior Scientist & Head, KVK Khawzawl chuan a kaihruai a. Indian Institute of Horticultural Research (IIHR) atanga he Award dawng thei tura a thawhrimna leh a inpekna a ropui zia sawiin, thawhrimna leh inpekna phena malsawmna awm haichhuak thei turin kalkhawmte a sawm bawk.

Pu PC Lalrinmawia hian kum 2026 hian Tomato Arka Abhed variety hi Far huan Lungding zau-ah chingin, kung 5000 a enkawl a, heng atang hian kumin chhung hian Rs. 16,00,000 a hralh chhuak a ni.

Neihdawn VC member Pu Biaksanga pawhin he hun hi hmanpuiin, an hmalak dante a sawi bawk. Vawiin huna kalkhawm mi 160-te hnenah Pi Vanlalnunhlui, SMS (Horticulture), KVK Khawzawl chuan thlasik thlai chi hrang hrang chin dan dik leh a enkawl dan zirtirna a pe a, ICAR-IARI atangin thlai chi chi hrang hrang semchhuah nghal a ni.