2004/2026-2027

Lawngtlai, the 31st, August, 2026 : Vawiin khan Lawngtlai Bawrhsap Pu Donny Lalruatsanga chuan sumdawnna Lirtheia pawisa khawn chungchangah  Chanchinbu mite kawmna a Office Chamber- ah a  nei.

Pu Donny Lalruatsanga chuan thuthar thehdarhtute lawmna chibai a buk hmasa a. Tunhnaia Social Media lama darh, Lawngtlai paltlanga Myanmar-a bungrua phurtute nia ngaihtheihin  Deputy Commissioner, Lawngtlai hriatpuinaa  pawisa lo khawn an awm ni an  sawi chu engmah a hriatpui loh thu a sawi a. Bawrhsap chuan Lirtheia bungraw phur an ni emaw, thildangah pawh District Administration chuan chhiah lak theihna dan a neilo hrim hrim tih sawiin, he thilah hian amah emaw DC Office - ten in hnamhnawihna an nei lo a ni, a ti. He inpuhna hi a  ngaithutak hle tih  sawiin, thil awmdan chhuichiang tura hmalakna kalpui mek a nih thu  a sawi a. He inpuh mualphonaa mawhphurtu zawng chhuaka an phutawk hremna lek a nih theih nan hmalak mek a ni tiin, Lawngtlai Police-  ten ngun takin an chhui mek tih sawiin, dan ang taka hmalak a ni ang a ti.

Video thehdarhah hian Myanmar- a Scooter phurlut tur nia insawi, Driver nia ngaihtheih chuan Lawngtlai bulah an motor lo tidinga, pawisa chawitir an nih thu a sawi a. Pawisa chawitirtute chuan an thil tih chu Deputy Commissioner pawhin a hriatpui tih an sawi niin a sawi a ni.