2050/2026-2027

Lawngtlai, 3rd September 2026 : Vawiin khan Lawngtlai Bawrhsap leh Chairman, Lawngtlai District Disaster Management Committee-nibawk Pu Donny Lalruatsanga kaihhruaiin DC Conference Hall-ah thutkhawm neih a ni.

Pu Donny Lalruatsanga chuan Member - te chibai bukin tunlai ruahsur nasa vanga leimin leh chhiatna dang thleng hrang hranga DDMC - te chet chhuah thinah lawmthu a sawi a. Chhiatrupna lo thlen thulha chak zawka hmalak a nih theih nan Training mumal tak neih te, Seminar leh Workshop - te, Mock Exercise leh Awareness Campaign bakah tul dang dangte a awm thin a, hemi atan hian sum leh pai mamawhna a sang em em thin a ti a. Theihtawp chhuaha hmalak a nih reng laiin, Directorate, DM& R, Aizawl atanga Lawngtlai District- tan Disaster hnuaia hmalakna tur  Rs.  31,39,500/- dawn a nih thu a sawi a. Bawrhsap chuan sum leh pai hmuhte tangkai taka hman a nih tur thu sawiin, DDMC - te thahnem ngai taka thawk turin a chah bawk.

Thutkhawmah hian sum leh pai hmuhte  tangkai zawka hman dan tur rel a ni a. Hetiang hian ruahmanna siam a, pawm a ni.

1. Training of First Responder/ Specialized Response Team - Rs. 2,00,000/-

2. Awareness Campaign on DRR/CBDRM - Rs. 6,00,000/-

3. Conduct of IEC and Media Activities - Rs. 2,40,000/-

4. Conduct of Mock Exercise - Rs. 3,00,000/-

5. Workshop, Seminar, Competition - Rs. 4,00,000/-

6. Implementation of School Safety Programme - Rs. 1,75,000/-

7. Conduct of Hospital Safety Programme - Rs. 1,20,000/-

8. Training of ODMP and DM Plan - Rs. 1,10,000/-

Tui tla an awmin, a zawn kawngah harsatna tam tak tawh thin a nih thu ngaihthlak a ni a. Tuipui Ferry leh Kawlchawah 'Speed Boat'  dah  a tul hle tih pawm tlangin, chak taka  hmalak ni se an ti a ni.

Vawiin thutkhawmah hian Lawngtlai District Disaster Management Committee-te an tel kim tha hle a, Bawrhsap chuan lawmthu sawiin hun a khar.