2049/2026-2027

Lawngtlai, 3rd September 2026 : Vawiin khan Lawngtlai Bawrhsap leh Chairman, Lawngtlai District Road Safety Committee nibawk kaihruaiin 'No Tolerance Month' hman dan tur relin a Office Chamber- ah thutkhawm a ni.

Pu Donny Lalruatsanga chuan Member - te chibai bukna neiin, mumal zawka lirthei tlan dan leh mipuite him zawkan tura District Road Safety Committee hnathawh a fakawm hle a ti a. Khauh zawka dan leh thupek kenkawh kawngah tun aia chak zawka hmalak zel a pawimawh tiin, a bik takin dan kalha lirthei khalhte enfiah kawngah theihtawp chhuah chhunzawm a tul hle a ti. Lirthei khalhtute leh mipuite him nan a 'No Tolerance Month' hman chu tihmakmawh a nih thu sawiin,  Bawrhsap chuan VC, NGO, YLA leh mipuite chu sawrkar thlawp leh thawhpui turin a sawm nghal  a ni.

Thutkhawm chuan 'No Tolerance Month'  chu September thla chhung ngeia hman ni se tha an ti a. Hemi chhung hian khauh taka dan anga hmalak ni se, dan bawhchhiate chu danin a phût ang ngeia hremna pek ni se an ti a ni. A hawnna hi September ni 10, 2026 -  ah neih ni se tih niin, 'No Tolerance Month' hlawk taka hman a nih theih nan mipuite thawhpuina an ngen nghal bawk a ni.

Thutkhawmah hian Lawngtlai District Road Safety Committee Member-te  an tel kim tha hle a, Pu Donny Lalruatsanga chuan lawmthu sawiin hun a khar.