2048/2026-2027 

Kolasib, 2nd September, 2026: Vawiin khan Kolasib Bawrhsap leh Chairman, District Disaster Management Authority (DDMA) ni bawk, Pu H. Dolianbuaia chuan tun hnai ruahsur nasa avanga hmun hrang hranga leimin leh tui lian a awm thin avangin, chhiatrupna laka him nan mipuite hnenah hriattirna a tichhuak.

Bawrhsap thuchhuahin a tarlan danin, ruahtui tlak nasat avanga harsatna tawh a nih loh nan Kolasib District chhunga mipuite chu a hnuaia mite hi zawm theuh turin a ngen an ni:

1.  Mahni in leh a velah leimin hlauhawm a awm em tih uluk taka thlitlai reng tur a ni.

2. Hmun hrang hrangah leimin avangin kawng dan chah a awm thin a, lirthei leh mihring tan chhiatna thleng thei a nih bawk avangin a tul tawp (emergency) ah lo chuan zin chhuah  loh tur a ni.

3. Ruah sur nasa avangin lui kuangte a lian nasa hle a, chuvangin tuia chetsualna a thlen loh nan lui dung leh lui kam hnaihah kal loh tur a ni.

Khuarel chhiatna avanga harsatna neite chuan an awmna biala Zonal Officer-te hnenah emaw, DC Office-a District Emergency Operations Centre (DEOC) toll-free number 1077-ah emaw, phone number 9774131593-ah a rang thei ang bera hriattir  tur a ni .