438/2026-2027

Lawngtlai, the 8th May, 2026 : Vawiin khan Deputy Commissioner, Conference Hall, Lawngtlaiah Bawrhsap Pu Donny Lalruatsanga kaihhruaina in District NCORD Committee thutkhawm a ni.

Bawrhsap Pu Donny Lalruatsanga chuan member kalkhawmte hnenah lawmthu a sawi a. Tun dinhmunah Lawngtlai khawchhunga Ruihhlo lut a zia awm viau a, hei hi sawrkar leh NGO- te inkara thawhhona tha a awm vang a ni, a ti. Ruihhlo do kawngah tha thlah lo a, thahnem ngai taka thawh a nih chuan Lawngtlai chu 'Drug Free District' ah siam theih a nih tur thu a sawi. Bawrhsap chuan Ruihhlo do na kawngah fimkhur a ngai a,a bik takin ruihhlo man a nihin sawrkar orkar lama Law & Order kenfkawhtu leh Police, Excise lamte kan thawhpui thiam a pawimawh a ti. Lawngtlai District - a Ruihhlo umbo turin ' Operation Jericho' leh ' Drug Free District Campaign' kalpui mek a nih thu tarlangin, Pu Donny Lalruatsanga chuan hei hian rah tha a chhuah mek tih tarlangin, mipuite thawhpuiah a sawm nghal bawk.

Vawiin NCORD Meeting - ah hian Meeting hmasaa hmalakna tur rel hrang hrangte bawkzui dan tlirhhona neih a ni a.Zirn In leh Kohhranah te ' Awareness Campaign' neih a nih thu ngaithlak niin, Police, Excise leh DRS- te report atanga a lan danin Ruihhlo tam tham man a awm lo a ni.Thutkhawmah hian State NCORD Committee - in 'Drug Free Village' a puanna tur atana hma lak dan tur sawiho niin State Level NCORD atanga SOP siam pawh Local Level thlenga hriattir nise tih a ni a. Ruihhlo lo luhna thin kawngte pawh theih ang anga ven niin, tun dinhmunah chuan Ruihhlo lo lut a tlem hle nia an hriat thu an tarlang a. NCORD Committee- in a lo rel tawh angin Rescue Centre - tlawh ni tawh in, Drop In Centre- pawh remchang hmasa ber ah tlawh nise tih a ni. Khualzin phur lirthei kaltlanga ruihlo thawn ruk a awm thin tih report an dawn angin, Police, Excise leh DRS ten- Joint Surprise checking - neih thin nise tih a ni bawk.

Vawiin Thutkhawmah hian District NCORD Committee Member- an tel tha hle a, Bawrhsap chuan lawmthu sawiin thutkhawm hi a khar.