406/2026-2027

Lawngtlai, 7th May 2026: Vawiin khan Lawngtlai Bawrhsap Pu Donny Lalruatsanga kaihhruaiin Drug Reduction Squad - ten DC Office Chamber-ah thutkhawm nei.

Pu Donny Lalruatsanga chuan kalkhawmte hnenah lawmthu a sawi a. Ruihhlo Do beihpui thlak mekah 'Operation Jericho' leh Drug Free District Campaign-kalpui mek a nih thu a tarlang a. Ruihhlo do kawngah sawrkar leh NGO - te theihtawp chhuah dun a tul hle tih sawiin, a bik takin CYLA hnuaia 'Drug Reduction Squad (DRS)' hmalakna leh hnathawh fakawm a tih thu a tarlang a ni. Lawngtlai District-ah muanna awm tur te, khawpui fai leh chhenfakawm zawk siam turin ruihhlo um bo a tul hle a, a do na kawngah tha thlah theih a ni lo, a ti. Sawrkar leh VC, NGO, Kohhran leh mipuite tandun ngai leh intihchak tawn tul tak a nih angin ruihhlo do kawngah thawhhona tha zawk a awm zel a beisei thu a sawi a ni.

Thutkhawmah hian thil pawimawh tak tak sawiho a ni a. Ruihhlo ngai leh a zuartute tan 'Salvation Camping' emaw 'Crusade' buaitsaih ni se, a hmun atan LIKBK Central Chruch, Bazar Veng ni se tih niin, ziakin Kohhran lamah hian dilna thlen ni se an ti a. Hemi atan hian Organising Commitee - din ni se tih niin, Chairman- Deputy Commissioner; Working Chairman - Secretary, LIKBK Central Chruch; Secretary - AGS, CYLA; Asst. Secretary - President, MJA ; Treasurer - Treasurer, CYLA; Ex Officio Members- President, leh GS, CYLA; Chairman,LIKBK Central Chruch; President, DVCA; Chairman, DRS ; President LWA, MHIP; President / Chairman leh Secretary LIKBKTP, Central Chruch, te ruat an ni. Salvation Camping - hi October leh November thla chhunga neih ni se, Speaker atan Pu Frederick Lalrindika sawm ni se tih a ni a. Ruihhlo do kawngah sawrkar leh VC, NGO leh Kohhran inkarah thawhhona tha zawk awm zel se an ti a bawk a ni.

Vawiin thutkhawmah hian CYLA Office Bearers, DRS hruaitute,  MHIP leh LWA aiawh, President, MJA Lawngtlai, President Village Council Association, leh Secretary, LIKBK Central Chruch - te an tel thei a, Pu Donny Lalruatsanga chuan lawmthu sawiin hun a khar.