405/2026-2027

Dated Khawzawl, the 7th May, 2026 : Nimin khan Khawzawl Deputy Commissioner huaihawtin NIC Room, DC Office-ah Khawzawl District-a TEJAS Workshop neih dan tur chungchang sawihona meeting neih a ni. He meeting hi Addl. DC Pu K. Zorammuana chuan a kaihruai.

He thutkhawmah hian Start Up India hmalakna hnuaia TEJAS Workshop neih dan tur sawiho a ni a, Mizoram Start Up Mission, Planning & Programme Implementation Department lam atangin hmalakna tur leh hmachhawp hrang hrangte ngaihthlak a ni.

TEJAS Workshop hi Mizorama District 5 thlan bikahte neih tura ruahman a ni a, District chhunga mahni kut kawih eizawnna kalpuitute leh hetiang lama hma lo la tawh thinte leh ruahmanna nei mekte tan sawrkarin he Workshop hi a buatsaih dawn a ni.

He meeting-ah hian TEJAS Workshop atana line department official hrang hrang BDO, DAO, DVO, DFDO leh DHO-te an tel a ni.