4150/2025-2026
Dated Lawngtlai,26th January 2026: Tukin zing dar 8: 00 AM khan Central Young Lai Association (CYLA) Play Ground, Chandmary-ah India Republic Day vawi 77 -na ropui taka lawm a ni a. Pu Donny Lalruatsanga, Deputy Commissioner, Lawngtlai chuan khuallian niin a hmanpui.
Khuallian Pu Donny Lalruatsanga chuan ‘Republic Day’ lawmna hmun a thlen veleh hian India hnam puanzar pawt pharhin Parade Contingent-14 in zahna chibai an hlan a chhanglet a, Rupeblic Day- thuchah a sawi chhunzawm nghal a ni.
Pu Donny Lalruatsanga chuan Parade Contigent, Official, Republic Day- lawm tura lo kal zawng zawng leh Lawngtlai mipuite kum thar chibai bukna a nei a. Kum 1950, January ni 26, vawiin angah khan India Danpui chu hman tan a lo ni a. He Danpui hnuaiah hian ram mipuiten dikna chanvo kan neih bakah mawhphurhna hrang hrang kan nei tih hriat reng a pawimawh hle a ni, a ti a. Republic Day lawm tura lokalte hian kan danpui (Constitution) hnam puan zar (National Flag) leh Hnam hla (Anthem) te hi zah chhunzawm zelin, midang zirtirtu nih i tum tlat ang u tiin a sawm a ni.
Khuuallian chuan vawiin ni pawimawh tak hian kan nunah inpumkhatna, inunauana leh intluktlanna thlen se la, Danpui kan neih theih nan a theitawp chhuahtu hruaitu hmasate kha hre reng i la, ram leh hnam tan theihtawp i chhuah zel ang u tiin a sawm a ni. Ni 30th October, 2025 atang khan Chawnhu khuaah ' 'My Village, My World' kalpui a nih thu sawiin, Chawnhu Veng chu veng dangten an entawn tura duang tura hmalakna a ni, a ti. DC hmalaknain Lawngtlai Town chhunga Veng fai inelna buatsaihna atan ' Bawrhsap Award' ruahman a nih thu a tarlang a. He Award hian lawmpuina Certificate bakah lawman pawisafai a keng tel bawk a ni, a ti . Refugee- te Foreigner’s Identification Portal-a chhinchhiah vek tura Home Department, Government of Mizoramin thuchhuah a siam chu Lawngtlaiah pawh ni 30 July, 2025 atang kal pui tan niin tun thleng hian khaw- 31 ah Myanmar mi - 3704 chhinchhiah tawh an nih thu a tarlang a ni.
Pu Donny Lalruatsanga chuan Parade contingent- zawng zawngte, Zirlai leh mipui lo kalkhawmte, NGOs, Kohhran, Chanchinbu mite leh Lawngtlai District mipuite chungah lawmthu sawiin, Lawngtlai District- hmasawnna tura thawhpuiah a sawm nghal bawk.
Vawiin Republic Day Day vawi 77- na lawmnaah hian Parade Contingent 14- Armed Contingent -1, Unarmed Contingent- 5, School Contingent -8 leh Pipep Band- 1 ( SSA Pipe Band, GRHSS) awm in, Parade Commander hi Inspector Mohan Prasad Dahal, 3rd IR Battalion, Thingkah a ni a,1st Commander hi Sub- Inspector Laxmi Dhan Chakma, 3rd IR Battalion, Thingkah niin, 2nd Commander hi Sub- Inspector Ronald Khawbung, 3rd IR Battalion, Thingkah, te an ni a. Khuallian chuan Parade Contingent-te lawmman bakah Bawrhsap Award- dawngtute hnenah thilpek hlanna a nei nghal a ni.
Parade Contingent - te lawmman lak dan chu hetiang hi a ni:-
Unarmed Contingent
Pakhat na - NCC Don Bosco School
Pahnih na -Ngurnunsangi High School Guides
Pathum na- Model English School Guides
School Contingent
Pakhat na -Govt. Region Higher Secondary School
Pahnih na - Ngurnunsangi English School
Pathum na -Downtown English School
Bawrhsap Award - dawngtute
1. Veng fai ber
a. Electric Veng
b.Thingkah
c. Chawnhu
d. Consolation Prize - Bethel Veng
2. Best Government Servant
a.Gilbert Lalhlimpuia, BDO, Buntlang 'S'
b. Lalchhandami, Health worker, Siachangkawn Sub- Centre
3. Gallantry Award
a. MC Lalhmahruaia, Rawlbuk
Dr. Lorrain Lalpekliana Chinzah, Adviser to Chief Minister chuan 'MLA Lawngtlai East Award' hlanna a nei a, Lawmman dawngtute chu
1. Best Journalist Award
Lalngheta Ralte ( Editor, The Lawngtlai Post )
2. Best Sports Promoter
Dr. Paul Lalchungnunga ( Owner, MLS FC)
3. Excellence in Public Service
a) Shri B. Zorempuia
ASI Bualpui 'NG' P/S
b) Shri A. Zaithanga
Sr. Revenue & Settlement Officer (LADC )
Republic Day Vawi- 77 na puala Khuallian thusawi kimchang hi a hnuaia link-ah hian chhiar theih a ni e.
Attachment
- Loading attachment...
