Thian duhtakte u,

Vawiin India Republic Day vawi -77 naah hian helai hmuna lo kalkhâwmte leh Lawngtlai District mipui zawng zawngte zahna chibai bûkin, kum thar duhsakna sang ber ka hlân a che u.

Kum 1950, January ni 26, vawiin angah khan India Danpui chu hman tan a lo ni a. He Danpui hnuaiah hian ram mipuiten dikna chanvo kan neih bakah mawhphurhna hrang hrang kan nei tih hriat reng a pawimawh hle a ni. Republic Day lawm tura lokalte hian kan danpui (Constitution) hnam puan zar (National Flag) leh Hnam hla (Anthem) te hi zah chhunzawm zelin, midang zirtirtu nih i tum tlat ang u.

Vawiin ni pawimawh tak hian kan nunah inpumkhatna, inunauana leh intluktlanna thlen se la, Danpui kan neih theih nan a theitawp chhuahtu hruaitu hmasate kha i hre reng ang u.

Kan tana ni pawimawh takah hian Lawngtlai District-in hmasawnna a neih kawng hrang hrangte ka han tarlang ang e.

1. My Village, My World: Dt.30th October, 2025 khan Bawrhsapin Chawnhu khuaah My Village, My World kalpuina thu a puang. He project hnuaiah hian Chawnhu Veng chu veng dangten an entawn tura duang tura hmalakna a ni a. Kawng hrang hranga hmasawnna, fainaah te, ran khuahkhirhah te, ruihhlo laka fihlimna kawngahte, zirnaah te, ramngaw humhalh kawngah te hmalak tum a ni a. Hemi atan hian Khawtlang hruaitute leh kohhran aiawh atangte a Committee din a ni.

2. Bawrhsap Award: Bawrhsap Award hi DC hmalakna in Lawngtlai Town chhunga Veng fai inelna buatsaihna atana ruahman a ni a. Mizoram Journalist Association, Lawngtlai nena tangkawpa siam a ni. He Award hian lawmpuina Certificate bakah lawman pawisafai a keng tel bawka. He Bawrhsap Award avang hian Lawngtlai khawpuia veng hrang hrangte faina kawngah hma kan sawn phah ngei beisei a ni.

3. Biometric Enumeration of Refugees: Refugee te Foreigner’s Identification Portal-a chhinchhiah vek turin Home Department, Government of Mizoram chuan hma a la a. District tinah DC Office chu hma la tura ruat kan ni bawka. He biometric enumeration hi 30th July, 2025 atang kal pui tan niin tun thleng hian khaw 31 ah Myanmar mi 3704 chhinchhiah tawh an ni a. Bangladesh mi 1 chhinchhiah tawh bawk an ni. District chhunga raltlan awm zawng zawngte chhinchhiah kim an nih hma chu he enumeration hi kal pui tur a ni.

4. Lawngtlai District-ah Autonomous District Council pahnih awmin, District Administration nên pheikhai rual takin an thawk ho zêl a. LADC, Finance Department hmalakna in LADC hi ADC te zinga IFMIS (Integrated Financial Management & Information System) thlunzawm (Integrate) hmasa ber a ni. 15th Finance Commission Rural Local Body leh Mizoram Finance Commission Local Body Grant - atangin khaw hrang hrangah VC te kaltlangin Development Work hrang hrang : Retaining Wall, Side Drain, PCC Pavement, Footpath, Solar Streetlight, Culvert, Water Tanky etc. khua -95 ah thawh a ni.

5. Sanitation Department (LADC hmalakna in Lawngtlai khawpui chhung veng hrang hrangah bawlhhlawh lakhawma paih fai thin a ni a. Information & Communication Technology Department hmalaknain NIELIT Study Centre (Free Computer Training) buatsaih a ni. HDFC BANK leh Qfix-te nena tawngkawpin a vawikhat nan LADC in 2025 chhungin Online Tax Payment a kalpuive ta a, LADC Transport Department, chuan kum 2025 chhung khan Lawngtlai khawpuichhunga hmun hrang hrangah Parking Area a ruahman belhin lirthei parking mumal zawk a awm theih nan theihtawp chhuahin hmalak a ni.

6. Election: Lawngtlai District hian Mizoram State-ah Election kan buaipui hnem lawrlak a. General Election to MP/MLA bakah Autonomous District Council: LADC leh CADC hnuaiah MDC inthlan leh VC inthlan kan la nei bawk a ni. Kan District hi inkalpawhna, power suply leh inbiak pawhna a tha lo hle chung hian kum tin deuh thaw inthlangin, inthlanna muanawm leh felfai tak kan nei thei zel a ni.

7. LADC, Forest Department hmalaknain Road Plantation hnuaiah Fruit Bearing Tree bul 2,000 KMMTTP Road- ah phun leh enkawl mekin, Tuipui Ferry -ah Seedling -50,000 leng tur Forest Nursery thar buatsaih mek a ni. LADC, Agriculture Department chuan RKVY hnuaiah mi -95 hnenah Bench Terrace laihna Rs.20,000/- theuh pein, huan samna khawl (Brush cutter)-88 subsidy in a pe bawk. LADC, Fishery Department hmalaknain PMMSY Scheme hnuaiah chhungkaw- 32 te sangha dil laihsak an ni a. North East Council (NEC) hnuaiah LADC Department hrang hrangte Project-8, Rs. 97.225 Crore man SOP zulzuia buatsaihin thehluh a ni bawk.

8. Achievement report under UD&PA Department, Lawngtlai Schemes of Shelter for Urban Homeless (SUH)hnuaia Patients’ Attendance Shelter Christian Hospital Lawngtlai hmuna sak chu a mamawh apiangte hman theih atan 28th April, 2025 khan Dr. Lorrain LalpeklianaChinzah, MLA, Adviser to CM chuan a hawng. Tunah hian Patients’ Attendance Shelter LCMC hmunah sak leh mek a ni.

AMRUT 2.0 hnuaiah hian AOC Lane hnuai tui lakna leh Hnahthial Tuikhur, Thingkah te siam that a ni. Tin, DAY-NULM hnuaia Area Level Federation-te chuan Mini Park Chawnhu leh Lawngtlai Greater Water Supply Scheme Treatment plant-ah Beautification hna an thawk mek. Lawngtlai khawpui chhunga zirnaIn hmun 13 ah thing tiak 127 phun niin enkawlzui a ni bawk.

PMAY-Housing For All (Urban) hnuaiah insak tanpuina mi 166 hnenah pek a ni.

Solid Waste Management Centre tur Phaikhang Mualah 30th October, 2024 khan sak tan niin, tun dinhmunah chuan Dry Waste Building lehWet Waste Building hi 45% ve ve sak zawh tawh niin, staff quarter tur 90% sak tawh a ni, water tank dry waste building bul ami hi 80% sak zawh tawh niin, water tank wet waste building bul ami hi 10% sak tawh a ni.
Swachh Bharat Mission (Urban) hnuaiah March leh November thla khan Swap & Save Programme buatsaih niin hetah hian mi thahnemngai ten an bungraw hluite theh khawmin, a mamawh ten an la ve leh a ni, he programme hian mipui hlut a hlawh hle a ni. KMMTTP kawngpui sira bawlhhlawh duh duhna hmuna paih thin Meter 108 athui chu tihfai leh hung that niin thuziak tar a ni bawk.

9. Health & Family Welfare Department, chuan Lawngtlai mipuiten hriselna kawnga hma an sawn theih nan chak takin hma a la reng a. April –December, 2025 chhung khan Damdawiina naupiang-1,054 awmin, Fully Immunized Children-1,169 an awm a ni. National TB Elimination Programme, hnuaiah (2025 chhung khan) TB vei enkawl leh tihdam mi-117 an awm. Mizoram Universal Healthcare Scheme (MUCHS) hnuaiah chhungkaw-1,265 inziaklut mekin,AB PMJAY Ayushman Card- 51,321 siam a ni bawk. National Tobacco Control Programme (NTCP) hnuaiah Anti-tobacco Squad Drive, IEC Campaign leh Counselling- te pek thin a ni.

10. District Hospital Lawngtlaiah January- December, 2025 chhung khan OPD Registration18,195, awmin mi-2,275 admit niin mitthi-57 an awm a. April ni 1, 2025 atang khan Mizoram Universal Health Care Scheme (MUHCS) hmanga damlo a thlawna enkawl mi-573 an awm a ni. Dialysis Unit siamfel tawh niin, khawl pali bun fel tawh a ni a. Technician pahnih awmin 18th September 2025 khan hlawhtling taka dialysis tih tawh a ni bawk.

11. Health worker training-na, ANM (Auxiliary Nursing Midwifery) School, Lawngtlai chuan MNC Examination 2025, result chhuakah 1st year leh 2nd year ah pass percentage za a za a nei a. UD & PA ten ‘Lawngtlai Town Cleanliness Competition 2025’ an buatsaihah Educational Institution Category- ah pakhatna dinhmuh an hauh a ni.

12. District Institute of Education & Training (DIET), Thingkah chuan LADC leh CADC huamchhunga zirtirtute tan ‘In-Service Teacher Training’ pe thinin, zirlai nu leh pate training an pe bawk thin a. Kum 2025 khan D.El.Ed Pass percentage-81.03% an nei a ni.

13. Mahatma Gandhi National Rural Employment Guarantee Act (MGNREGA) hnuaiah kum 2025 chhung atan Job Card nei mi-42,236 awmin, hna hrang hrang- 2,474 thawh tawh niin, cheng nuai 8,864.34/- hman ral tawh a ni a. Pradhan Mantri Awaas Yojana - Gramin (PMAYG) hnuaiah In sak \anpuina pek mek niin, Lawngtlai District- a RD Block pali ah Awaas+ survey thar kalpui a ni bawk. Mizoram State Rural Livelihood Mission (MzSRLM) hnuaiah kum 2025-2026 chhung khan Self Help Group (SHG) – 10 din niin, DDU-GKY hnuaiah \halai hna nei lote eizawnna siamsak nân training mi-86 te hnenah pek a ni a, hna hmuh sak nghal an awm bawk a ni.

14. Lawngtlai RD Block hnuaiah hian Job Card nei mi-14,249 awmin, January ni 13, 2026 thleng khan Wage Component, Material (including skilled wages) leh Administrative cost- ah te cheng nuai-2,959.29/- sen ral tawh a ni a. Custom Hiring Centre –ah te materials/equipments pekchuah niin, DDUGKY hnuaiah ‘Skill Development Training’ kalpui a ni bawk.

15. District Commerce & Industries chuan kum 2025-2026 chhung khan beneficiary-11 hnênah PMEGP (Prime Minister Employment Generation Programme) loan cheng 54,50,000/-( Nuai sawm nga pali Sing nga) chu Bank kal tlangin an pechhuak a. Chief Minister’s Special Package hnuaiah Progress Partners-18 neiin, Rs. 8,000/- theuh pek tawh niin, a vain Rs. 12,80,000/- (Nuai sawm pahnih Sing riat) pek chhuah tawh a ni.

16. Dan leh thupek kenkawh kawngah Mizoram Police ten theihtawp an chhuah reng a. Kum 2025 atang a vawiin thlengin case-69 ziahluh tawh niin, case-49 chu chargesheet tawh a ni a, mi-23 te thiamloh chantir tawh an ni. Ruihhlo do beihpui thlakna ‘Operation Jericho’ chu nikum November atanga vawiin thlengin chak taka kalpui a ni a. KMMTTP Road leh Tlangpuiah te duty post siam niin, Rakzu- 218 litres, IMFL- 30 Bottles leh Ganja -700 grams man tawh a ni.

17. Agriculture Department chuan Bana Kaih hnuaiah Sawhthing lei thawh khatna leh thawh hnihna chu tha tak a kalpuiin, Lawngtlai District pumpuia Sawhthing lei tawh zat hi- 3, 78,397 Kg (nuai thum sing sarih sang riat zathum sawmkua pasarih ) niin cheng Rs. 1,68,20,488/- (vaibelchhe khat nuai sawmruk pariat sing hnih zali sawmriat pariat) chu loneitu te account ah sawhthing hralhna man atanga thun tawh a ni. DAJGUY hnuaiah PM KISAN Scheme Saturation Camp khaw -73 ah hlawhtling taka neih a ni.

18. KVK, Lawngtlai chuan NICRA Project hnuaiah ‘Climate Resilient Technologies ’ Loneitu- 50, hnenah hlawhtling takin an kalpui a ni.

19. Legal Metrology chuan LPG (Gas), Petrol leh Diesel trip-te unload hmaa endik thinin, Quality chhia leh hrem ngai an awm lo a ni. April ni 1, 2025 atanga vawiin thlengin Bukna leh Tehna hmanrua endikna (verification) fee leh compounding fine atang Rs 79,565 /- hmuh tawh niin, Sawrkar Revenue Head-ah chhunluh tawh a ni bawk.

20. Fisheries Department, Lawngtlai District-chuan August 2025- January,2026 chhungin Sangha khawitu mi-37 hnenah KCC Loan a pe tawh a. Pradhan Mantri Matsya Sampada Yojana (PMMSY-CSS) hnuaiah kum 2024-2025 chhungin mi -50 hnenah Sangha dil thar siamna pek tawh niin, hnathawh hi endik mek a ni. Sangha chaw hi man tlawm zawkin Lawngtlai District chhunga Sangha khawitute hnenah quintals-385 pekchhuah tawh a ni bawk.

21. Animal Husbandry & Veterinary Department, chuan ‘Bana Kaih’ chak taka kalpuiin,Chief Minister’s Special Package kaltlangin,beneficiary-20 hnenah tanpuina a pechhuak tawh a ni. National Animal Disease Control Programme (NADCP) hnuaiah vaccine hi- Foot & Mouth Disease (FMD), Peste des Petits Ruminants (PPR), Classical Swine Fever (CSF) leh Anti-abies Vaccine (ARV) ah te pe thinin, tun dinhmunah vaccine-3,100 pek tawh a ni. August 2025 atanga December ,2025 chhung khan ran damlo-8,584 te treatment pek niin, thingtlang lamah ‘Awareness Camp’ vawi-10 neih a ni bawk.

22. Sericulture Department chuan ‘Development of Rural Lai Autonomous District Council through Ericulture in Mizoram’ hnuaiah kum 2024-2025 chhung atan khua- 9 atanga tanpuina dawng tur mi-120 thlangin,tun dinhmunah Cocoon-700 kg tharchhuah tawh a ni a. ‘Development of Rural Chakma Autonomous District Council through Mulberry Sericulture in Mizoram’ kaltlangin kum 2024-2025 chhungin khua- 4 atangin tanpuina dawng tur mi-100 thlan niin, Cocoon- 365.82 kg thar a ni bawk.

23. Chhimtuipui Wildlife Division chuan protected area pahnih – Phawngpui National Park (50 sq km) leh Ngengpui Wildlife Sanctuary (110 sq km) an enkawl a. April, 2025- January, 2026 chhûngin CSS-IDWH Scheme-hnuaiah \halaite eizawnna siamsak nân Park leh Sanctuary vêng tûr ‘Anti-poaching squad’ atan mi -40 chhawr an ni.

24. Public Health Engineering Department (PHED) Lawngtlai WATSAN Division hmalâknain, Jal Jeevan Mission (JJM) hnuaiah thingtlâng In tina tui tap connection pêkna tûr Functional Household Tap Connection (FHTC) chu za a za (100%) tihhlawhtlin tawh a ni a. Urban Water Supply Scheme -hnuaiah House Water Connection -4,670 awmin, meter connection pek vek a ni.

25. Power & Electricity Department chuan SASCE hnuaiah 33KV line Chawnhu Sub-Station – Lawngtlai Sub-Station, 4- Km a thui an siam zo tawh a. Indo -Bangla Border Flood Lighting Scheme (IBBL) hnuaiah 33kv Sub- station, Parva chu kumin March thlaah zawh tum niin,Vaseitlang chu December a zawh theih beisei a ni. Online- a electric bill pekna UGO Software- hman tan a ni bawk.

26. PWD Multi Modal Project Division hnuaiah kawng -0.92 Km laih tawh niin, Black top (Flexible pavement) -1.64Km zawh tawh a ni a, Protection Wall-88 leh Culverts (CD Works) -1 siam tawh a ni.

27. PWD Lawngtlai Division hnuaiah kum 2025-2026 chhûngin kawng -20.30 Km a thui laih a ni a, Concrete pavement -1.00 Km zawh tawh niin, Culvert-7 siam tawh niin, Protection Wall 370.95 Rm thawh tawh a ni bawk.

28. Samagra Shiksha, Lawngtlai chuan kum 2025-2026 Session-kal mekah School -420 neiin, Elementary School naupang zawng zawngte chu Zirlaibu leh Uniform- a thlawna pek vek an ni a. IE (Inclusive Education) kaltlangin zirlai naupang mamawh bik neite zawng chhuakin, an mamawh dan a zirin hmanrua- wheel chair, spectacle, crutch, stick, etc te pek thin an ni. Lawngtlai District chhunga Primary atanga Higher Level thlengin School zawng zawngah ‘Youth & Eco Club’ din a ni tawh bawk.

29. District Research Officer, Economics & Statistics Department, hnuaiah Birth Certificate-3,427 re-issued niin, Death Certificate -30 re-issued a ni bawk.

30. District Transport Office hnuaiah January ni 1,2025 a\anga December ni 31,2025 inkar chhûng khân lirthei-2,051 chhinchhiah niin, driving licence-1,412 pek chhuah a ni a. Hemi hun chhûng vek hian registration fee, tax, agent licence, driving licence, learner licence,compounding leh a dang a\anga sum (revenue) hmuh zawng zawng chu Rs.16,158,231/- (maktaduai sawmparuk, nuai za sawmnga pariat, za hnih sawmthum pakhat) a ni.

31. District Programme Office (WCD) chuan Poshan Abhiyan Programme kaltlangin Anganwadi Workers, Block Poshan Coordinators leh Circle Officers- te hnenah 5G Smartphone an sem chhuak a. District Child Protection Unit (DCPU) chuan ‘sponsorship’ kalpuiin,April,2025- January,2026, chhung khan naupang-160 hnenah thla tin tanpuina RS. 4000/- a pe a ni. Foster Care programme hnuaiah naupang- 12 enkawl mek niin,‘Foster Care Funds’ pek an ni bawk.

32. Lawngtlai Treasury hnuaiah DDO 42 awm mêkin, Lawngtlai Treasury a\anga pension hlawh la Pensioner -1000 an awm mêk a ni.

33. 3rd IR Battalion Thingkah ten an campus chhungah thingtiak -1,2600 phunin, Bihar Assembly Election 2025 leh LADC MDC General Election 2025- ah te company khat ve ve an duty bawk a ni.

34. Information & Public Relations (I&PR) Department chuan mipuiin sawrkâr hma lâkna leh ruahmanna te an hriat zung zung theih nâna puanzâr hna thawkin, Chanchinbu leh Arts peng hrang hrang hmasâwnna atân hma a la reng bawk a. Journalist-te’n ham\hatna hrang hrang an dawn theih nân ‘Welfare Scheme’ duangin, Accreditation a siam a, tunah hian Lawngtlai District-ah Accredited Journalist -5 an awm mêk a. Kum 2025 January a\anga vawiin thleng khan DIPRO, Office, Lawngtlai chuan sawrkar hmalakna puanzar nan Press Release -425 tichhuakin, Flyers-25, Reels – 20 a siam tawh a ni.

35. DCSO Lawngtlai chuan January- December,2025 chhung khan buhfai -72,687.67 quintals dawngin, hengte hi Interior Supply Centre-11 ah rualkhai taka semchhuah a ni a. Fur laia motor luh theih lohna Supply Centre- 6 ah fur chhung daih tur buhfai dah fel tawh a ni a. Online Supply Management System kalpui mek niin, Aadhaar Card leh Ration Card link- 99% zawhfel tawh a ni.

36. Mizoram Rural Bank Lawngtlai Branch – ah kum 2025-206 chhungin pawisa dahluh 81.86 crore awmin, Loan- 117.46 croe pekchhuah a ni.

37. Excise & Narcotics Station, Lawngtlai ten January 2025-January 2026 chhung khan Rakzu2,469.36 litres, Heroin-123.83 grams, Opium-247.65 grams leh Ganja-5.215 Kg an man a ni.

38. Horticulture Department chuan Chief Minister’s Special Package hnuaiah Progress Partners-36, leh Loan portion- ah Progress Partners- 6 a nei mek a. PDMC-PMKSY kaltlangin Ngengpuikai leh Chawnhuah Drip & Sprinkler Irrigation System- 40 Units bun fel tawh a ni bawk.

Vawiina Parade contingent- zawng zawngte chungah lawmthu ka sawi a. Zirlai leh mipui lo kalkhawmte, NGOs, Kohhran, Chanchinbu mite leh Lawngtlai District mipuite chungah pawh lawmthu ka sawi bawk a. Kan District- hmasawnna tura thawhpuiah ka sawm bawk che u a ni.

Thian duhtakte u, vawiin Republic Day- ah hian kan Danpui ropuina leh hlutna hre thar leh ila,kan dikna chanvo humhalh turin kan danpuia inziakte tha takin i zawm ang u.

Republic Day - hlim taka hmang vek turin duhsakna sang ber ka hlan nawn leh vek a che u.

KA LAWM E

Jai Hind