2564/2026-2027

Lawngtlai, 8th October 2026: Vawiin khan Lawngtlai Bawrhsap Pu Donny Lalruatsanga kaihhruaiin a Office Chamber-ah Lawngtlai District-chhunga kawngpui dinhmun sawihona neih a ni.

Pu Donny Lalruatsanga chuan kalkhawmte chibai bukin inkalpawhna kawngpui tha nei tura theihtawp chhuah a tul thu a sawi a. Kawng engkima hmasawnna awm turin inkalpawhna kawngpui a that a ngai a, mipuite mamawhna hriaa kawngpui enlawltuten thahnemngai taka an thawh a tul tak zet a ti. Fur hun laia ruahsur nasa avangin kawngpui chhia a tam em em a, hnathawh mumal theih a ni lo a, favang a thlen chhoh  tan tawh angin chak taka hmala chhunzawm turin a chah a ni.

NHIDCL - te chuan leiminin NH 502 A leh NH 02 kawngpui a hnawhpin theih ang anga an thenfai thu ngaihthlak niin, Brahmaputra Infrastructure Ltd chuan KMMTTP Road - thawmthat hna an thawh mek thu an tarlang a. PMPL chuan Lawngtlai to Zero inkar kawngpuia leimin awmte theih ang anga an thenfai thu an sawi bawk a ni. ABCI - te chuan Thingkah hmunah chiah leimin an neih thu tarlangin an thenfai tawh thu ngaihtlak a ni a.  BRTF - chuan Lawngtlai District- a kawngpui an enkawlte theih ang anga an thawmthat thu an tarlang bawk a ni. PWD (Road) chuan PMJSY hnuaia kawngpui laih mekte dinhmun tlangpui tarlangin, hnathawh mek zel a nih thu an sawi a. Diltlang to Chawngte 'P' hnathawktu contractor-  te chuan fur lai pawha hna an thawh thu tarlangin, tunah pawh thawh chhunzawm zel a nih thu sawiin,  hun tiam chhunga zawhtheih an beisei thu an tarlang a ni.

Thutkhawmah hian SE (PWD)  Multimodal; Commanding Officer, 71/RCC; EE, PWD (Road); General Manager PMU (NHIDCL); Sr. General Manager (ABCI) Tawipui North II; Project Manager PMPL; Manager RDS; Manager, Brahmaputra Infrastructure Ltd  leh Diltlang to Chawngte Road Contractor - aiawhte  an tel a. Bawrhsap chuan lawmthu sawiin hun a khar.