754/2026-2027

Lawngtlai, 29th May 2026 : Vawiin khan Special Investigation Team, Lawngtlai District-chuan Deputy Commissioner Office Chamber-ah thutkhawm an nei a. Lawngtlai Bawrhsap Pu Donny Lalruatsanga chuan thutkhawm hi a kaihruai.

Pu Donny Lalruatsanga chuan Member kalkhawmte hnena lawmthu sawina neiin Lawngtlai District- huamchhunga 'Riverine Reserved Forest'  leh Reserved Forest Areas- te venhim leh enkawl chu thil pawimawh tak a ni a, Special Investigation Team - te thahnem ngai taka thawk zel turin a chah a.  hemi kawngah hian theihtawp chhuah a tul hle a ni, a ti. A bik takin Luipui kama rammgaw amwte tihchereu nasat a hlauhawm thu tarlangin, venhmina chak zawka kalpui a tul thu a sawi a. Bawrhsap chuan thahnemngai taka Riverine Reserved Forest leh Reserved Forest Areas- te humhalh a nih tur thu sawiin, LADC, CADC leh Lawngtlai mipuite thawhpuiah a sawm nghal bawk. 

Thutkhawmah hian  Riverine Reserved Forest - huamchhunga 'Land Pass ' awm dan zirchianna an neih atanga  'Preliminary Report'  LADC leh CADC ten an siam chu enho a ni a. Preliminary Report - chu pawm tlangin thutkhawm hmasain a lo rel tawh angin Mizoram sawrkarah thehluh ni se an ti a. LADC leh CADC - in Land pass an lo pekchhuah tawhte chu Category A- Prior to 1980 ( Enforcement of Forest Conservation Act); Category B- Between 1980- 2005 ( Enactment of Forest Right Act 2005); Category C- Between 2005- 2010 leh Category D- Post 2011, ah te fel fai taka thliar hrana report hi DC Office- ah thehluh leh tura tih a ni bawk. 

Vawiin thutkhawmah hian SDO (S), LADC leh CADC - a Sr. Revenue Officer, District Council Conservator of Forest (LADC);  CADC- RSO leh FRO te leh President, Lawngtlai District Village Council Association - te an tel thei a, Pu Donny Lalruatsanga chuan lawmthu sawiin hun a khar.