755/2026-2027

Dated Saitual the 29th May, 2026: Vawiin khan DC Conference Hall, Saitualah District Level Narco Co-ordination Committee (NCORD) chu an Chairperson, District Bawrhsap ni bawk Pu Srinivas Sadi kaihhruaiin an thukhawm.

Vawiin thutkhawmah hian Pu Vivek Kumar Maurya, Member Secretary, NCORD leh SP ni bawk chuan an hmalak tawhna te leh ruihhlo tawlh ruk an man chungchang te leh a tawlhna kawng hrang hrang te bakah NGO te nena an thawhho dan te report a pe a ni.  

NCORD Chairperson Pu Srinivas Sadi chuan kalkhawmte hnenah lawmthu sawiin District hrang hranga NCORD tha ber ni tura theih tawp chhuah turin a sawm a, ruihhlo dona kawng hrang hranga hmalak chungchangah te leh ruihhlo tawlh tih tlem dan tur te a tarlang a. Bawrhsap chuan ruihhlo avanga hliam tuar mek te chhanchhuahna kawngah theih tawp chhuah turin kalkhawmte a sawm nghal bawk a ni.  

Vawiin thutkhawmah hian District Level NCORD meeting hmasaa thu relte bawhzui a nih dante leh line department  ten anmahni zawn theuha hma an lakna report-te ngaihthlak a ni a, heng bakah hian ruihhlo tawlhte man leh chhui kawnga hmalakna dan thar ngaihtuahte, ruihhlo tihna hmun hrang hranga random inspection neih dan turte leh high school leh higher zawng zawnga anti-drug club din chungchangte, ruihhlo tih remna kawnga NMBA hmalakna hrang hrangte sawiho a ni bawk. 

Vawiin thutkhawm hi Pu Srinivas Sadi, NCORD chairperson & DC chuan a kai hruai a, Pu Vivek Kumar Maurya, Member secretary, NCORD & SP, Pu Tharun Patnaik Madala, SDO (S),  Pu Lalhmingthanga, Asst Commissioner of Excise & Narcotics, Pu Laldingliana , DEO, line Department hrang hrang aiawh, SBI (Ngopa) aiawh, NGO aiawhte bakah NCORD Committee member te an tel a ni.