756/2026-2027

29th May, 2026 (Zirtawpni) : Vawiin khan Art & Culture Dept leh M.U.P. Gen. Hqrs tangkawp buatsaih M.U.P Lengkhawm Zai Intihsiak 2026 chu Vanapa Hall ah neih a ni a. Art & Culture Minister Pu C Lalsawivunga chu khuallian a ni.

Khuallian Pu C. Lalsawivunga chuan MUP te khawtlang leh ram tana rohlu an ni tih inhrereng turin a chah a. Inkiltawih lo tur, thangtharte kaihruaitu ni turin a fuih a. Zo nun ze mawi - aia upa zah thiam kawngah an tu leh fate kaihruaia, zirtirtu ni tur leh Mizo culture vawng nung zel turin a sawm a ni.

Lengkhawm Zai Intihsiak programme hi vawiin nileng khan neih a ni a. Aizawl khawpui chhunga M.U.P. Area Level a intihsiakna neiha pakhatna theuh Branch 14 te an intihsiak a. Chawhma lam hi intihsiakna hun bik atana hman niin Art & Culture Director Pi Carol VLMS Dawngkimi chuan inkhawm a kaihruai a. Chawhnu lamah result puan leh lawmman semna hun hman a ni.

Lawmman dawngtute chu -

1-na - Mission Vengthlang
2-na - Bungkawn
3-na - Armed Veng

Mimala lawmman latute chu -

Khuangpui - H. Lalmuana, Laipuitlang Br.
Khuangte - Vanlalfala Khiangte, Bungkawn Br.
Hla hril thiam ber - Lalrinsiami Colney, Mission Vengthlang Br.
Member kal tam ber - Zemabawk Branch (102)