1895/2026-2027

Lawngtlai, the 21st August, 2026 : Vawiin chawhma dar 11:00 AM khan Lawngtlai Bawrhsap Pu Donny Lalruatsanga kaihhruaiin a Office Chamber-ah Sub- Divisional Office (Civil), Sangau function dan tur rela thutkhawm a ni.

Pu Donny Lalruatsanga chuan kalkhawmte hnenah lawmthu a sawi a. CYLA leh YLA Sub- Hqrs, Sangau hmalakna kal zelah SDO (C) Office hna  BDO, Sangauin a kawp thin chu a hrana mumal zawk a hnathawh  tir bakah  thuamthat ngaite thuamtha tura    theihtawp chhuah a ni tiin,  GAD lam pawh hemi atana tul leh pawimawhah biak a nih tawh thu a sawi a. Bawrhsap chuan  SDO (C) Office amaha function turin tan tlan a pawimawh tiin, chak taka hmalak zel a nih tur thu a sawi.

Thutkhawmah hian  SDO (C) Office, Sangau mumal taka kalpui a nih  theihna tura pawimawh hrang hrangte  sawiho  a ni a.  Assistant -1, UDC -1, LDC -1 leh Group-D -2 leh Driver-1 mamawh a nih thu ngaihthlak a ni a. Assistant hi DP&AR lama thlen ni se, UDC hi MPSC in a lak hun nghah ni se, LDC leh Group D hi DC Office lamin lak phalna an hmuh hun ah lak ni se tiin, Driver hi DC Office, Lawngtlai lam atanga pek tura tih a ni bawk. Office function - na tur atana mamawh (Furnitures) hrang hrangte requirement siamin  thehluh nise tih a ni a. SDO(C) Office - a hranpa a a lo function lailawkna turin BDO, Sangau chu ruahmanna lo siam tura tih a ni bawk.

Pu Thomas Maratha Hlychho, BDO, Sangau chuan  report pein;  SDO (C), Sangauah  Office building, Staff Quarter (Chhawng)-1 leh staff Quarter (Assam Type)- 2 awmin, BDO, Sangauin  kawp mekin a tul  leh pawimawh dan angin Certificate Issue, Addhaar siam, NOC, Order leh Hriattirna tih chhuah thin a nih thu a sawi.

Thutkhawmah hian Central YLA leh YLA Sub-Hqrs. Sangau te chuan SDO (C) Office Sangau  kum-25 chuang a awm tawh hnu pawha  tun  thlenga  amaha a la   'fuction' lo veiawm an tih thu an sawi a. Kawng hrang hranga hmalakna an neih tawh thu sawiin, an ngenna  ngaipawimawha hmalakpuitu Lawngtlai Bawrhsap chungah lawmthu sawiin, an hlawhtlin ngei an besei thu an sawi bawk  a ni.

Thutkhawm ah hian SDO(C)/BDO, Sangau, Superintendent DC Office, Office Bearer CYLA, President leh Secretary, YLA Sub-Hqrs, Sangau leh President MJA Lawngtlai te an tel a, Bawrhsap chuan lawmthu sawiin thutkhawm  a khar.