1894/2026-2027

Dt.20th August 2026 (Thursday): Minister Prof.Lalnilawma, Tawi bialtu MLA ni bawk chuan vawiin khan Thingsulthliah, Seling leh Tlangnuam khuaah a MLA Fund atanga hmalakna “Artuia Intoldelhna tur Bana Kaih Project” kalpuitute a tlawh a. An hmalak dan te, an hmasawnna te, an mamawh te leh harsatna an tawh hrang hrang te a sawipui a ni.

Minister Prof.Lalnilawma chuan tuna an project kalpui mek hi a bul tanna leh a enchhin na, pilot project a ni a. “Hlawhtlinna an hmuh dan a zir zelin tihlen a tul pawhin kan tihlen belh ang a, a tul ang zelin kan kalpui zel thei a ni”, a ti. He project hlawhtlin theih nan Minister chuan theihtawp a chhuah thu sawiin, a hlawhtlinna tak tak erawh a dawngtu beneficiary-te kutah thui tak a innghat a ni, a ti.

He hmalakna hi kumin May 21 atang khan Tawi Bial chhung khaw hrang hrangah pilot project anga kalpui tan a ni a, tunah hian ar vulh tute hian artui an thar chhuak tan mek a ni.

He project hnuaiah hian MLA fund kaltlangin ar in sakna tur rangva pek an ni a. Ar note man zaa 75 chu MLA Fund atangin, zaa 25 chu beneficiary ten an tum a, ar chaw man chu thla 5 chhung atan zaa 75 chu MLA Fund atanga pek chhoh mek zel a ni.

Pu.Lalnundika Project Director, DRDO Aizawl leh Pi.Malsawmhriatzuali, BDO, Thingsulthliah ten Minister Prof.Lalnilawma hi an tawiawm a ni.