1248/2026-2027

Lawngtlai, 1st July 2026: Vawiin khan Lawngtlai bawrhsap Pu Donny Lalruatsanga hoin MGNREGA (Ni 100 inhlawhna) thlaktu tur Vikshit Bharat – Guaranteed Rozgar & Ajeevika Mission (Gramin) Act 2025 (VB – G RAM G Act 2025) chungchang inhrilhhriatna hun DC Conference Hall- ah neih a ni a. Pu H. Zonunmawia, Project Director, DRDO chuan hun a kaihruai.

Pu Donny Lalruatsanga chuan kalkhawmte lawmna neiin, hlawk leh tangkai taka hmang tura 'Sensitisation Workshop' a hawn thu a sawi a. He Scheme hi India ramin hmasawnna rahbi thar a kaina tur leh Viksit Bharat 2047 (Developed India ) hlawhtlina tur pawimawh tak pakhat a nih angin, thawktute, VC, NGOs leh mipuite pawhin an hriat chian a tul hle a ti a. Bawrhsap chuan 'VB - G RAM G' hnuaiah ni - 125 tal inhlawhna siam a ni dawn a, he Scheme hian ngaihpawimawh tak tak pali- Tui hna humhalh leh venhmina kawnga hnathawhte hmanga hna siam chhuah te, zokhhua hmasawnna tura kawng hrang hranga thawhte, Eizawnna chawikanna turte leh sik leh sa inthlak danglam laka ram leh mipuite venna tura hnathawhte awmin, hengah hian uar zawka hmalak a ni dawn a ti. Sawrkarin Scheme - tha tak tak a duang thin a, chutih rualin a taka hnathawh lamah theihtawp chhuah a nih loh chuan hmasawnna hmuh tur a awm lo fo thin tih tarlangin, Pu Donny Lalruatsanga chuan mawhphurhna neite thahnemngai taka thawk tura chahin, hlawk taka 'Workshop' nei turin kalkhawmte duhsakna a hlan nghal bawk.

Pu R. Vanlalruata, BDO, Lawngtlai chuan Power Point Presentation hmangin 'VB - G RAM G' chungchanga hriattur pawimawh hrang hrangte zirtirna hun a nei a. Zawhna leh chhanna hun hlawk tak hman nghal a ni.

Vawiin hun hmannaah hian Lawngtlai khawpui chhunga Village Council te, Lawngtlai RD Block; Sangau RD Block leh Chawngte RD Block - a Village Council Member- pahnih theuh te, leh NGO hrang hrang aiawhte an tel thei a, Pu H. Zonunmawia, PD (DRDO) chuan lawmthu sawiin hun a khar.