1247/2026-2027

Lawngtlai, 1st July 2026: Vawiin khan Lawngtlai District Panchayat Resource Centre (DPRC) buatsaihin Chandmary Inpuiah LADC leh CADC hnuaia Village Council - te hnena Computer Set semchhuahna neih a ni a. Lawngtlai bawhrsap Pu Donny Lalruatsanga chuan a hmanpui.

Pu Donny Lalruatsanga chuan Village Council (VC) Member- lo kalte chibai bukna neiin, khawvel changkanna kal mekah 'Computer Set' chuan tangkaina a nei lian hle tih tarlangin, an hnathawhna kawnga chhawr tangkai theuh turin a chah a. VC - te chu khawtlang enkawltu, mi te ber atanga lian her thleng a veng/ khaw mipuite innghahna a nih angin, mipuite besei ang taka innghahna tlak ni theuh turin a fuih a. Khawtlang hmasawnna kawng hrang hrang hnathawhte, VC atanga lehkha thawhchhuah thin te, VC anga hmalaknate leh tul dangte pawh mumal leh felfai taka chhinchhiah a nih thin angin, hemi kawngah hian 'Computer Set' hian tangkaina a nei thûk dawn hle tiin, hlawk taka hmang tur leh a enkawltute pawhin dimdawi taka enkawla, sawrkar bungrua an kawl a ni tih hre reng turin a chah a ni. Bawrhsap chuan ram leh hnam hmasawnna tura VC pawimawhna tarlangin, Lawngtlai District- hmasawnna tura theihtawp chhuahpui turin a sawm nghal bawk.

Village Council - te hnena Computer Set semchhuahna hi Pu K. Vanlaldik a, Head Faculty, District Panchayat Resource Centre (DPRC) Lawngtlai chuan a kaihruai a. Computer Set- hi Rashtriya Gram Swaraj Abhiyan (RGSY) kaltlanga Rural Development & Administration Department hmalaknaa sem niin, Pu Donny Lalruatsanga chuan LADC hnuaia VC- 65 leh CADC hnuaia VC- 70, te hnenah a hlan a. Computer Set- hi  VC dangte hnenah pawh a tahtawla sem chhunzawm  tura ruahman a ni.