2169/2026-2027

Lawngtlai, the 10th, Sept. 2026: Vawiin chawhnu dar 3:00 PM khan DC Conference Hall- ah Beti Bachao Beti Padhao hnuai a 'Project Genesis' hawnna neih a ni a. Pi Lalmalsawmi, DPO, W&CD, Lawngtlai District chuan hun kaihruaiin, Bawrhsap Pu Donny Lalruatsanga chuan khuallian nia a hmanpuiin hawnna a nei.

Pu Donny Lalruatsanga chuan kalkhawmte hnenah lawmthu sawiin, nu naupai ten Antenatal Care (ANC) lak that leh naupai ten delivery Point/ Damdawi In ngei a nau an neih nana hmalakna hi a pawimawh hle tiin lawm taka Project Genesis a hawn thu a sawi a. Health & Family Welfare Department leh  Women & Child Development Department - te thawhhona a nih angin an hmalakna leh ruahmana  siamte a  fakawm hle a ni,  a ti. Hriselna kawnga Lawngtlai District- dinhmun thlirin  hmalakna tur tam tak  awmin, thawhhona tha a awm a ngai bawka, theihtawp chhuahho a nih chuan  hmasawnna a awm  ngei a beiseiawm a ti. Bawrhsap chuan sawrkarin a beisei leh  tum ang ngeia  hlawhtling tura thawh a tul hmasa dawn a ni, a ti. A bik takin Lawngtlai District - zauin, thingtlang tam zawkah thawktu indaih lohna leh medical lama inekawlna tha awm lohna a tam em em bawk a, hemi a nih avang hian 'Project Genesis' tha taka kalpui a pawimawh zual hle a ni,  a ti. Project Genesis - tha tak a kalpui turin Nodal department, VC leh NGOs- te inkarah thawhhona tha a awm a pawimawh hle tiin Bawrhsap  chuan 'Project Genesis' hlawhtling taka kalpui turin duhsakna a hlan nghal bawk.

Pi F. Lalengvari, District Mission Co - ordinator chuan presentation pein, Project Genesis - chu  kum khat chhung kalpui tur a nih thu a sawi a. Damdawi In a nau neih hniam tihkiamna tur te, Raipuar ten ANC Registration - kaltlanga dik taka ANC an lak te,  Anganwadi atanga chaw tha an dawn a, raipuar ten Vaccination an lakin 'gift hamper'  leh nau neih zawhah diaper, Sanitary pads-  bakah nau neih dawn a motor / ambulance hman man ₹35/- per KM rate-  a pek an nih tur thu a tarlang a. OSC leh Shakti Sadan client - ten Project Genesis-  hnuaia hamthatna an dawnn theih tur leh Nesting Center-  ah nau neih dawn leh neih zawhah a thlawna  an awm theih tur thu a  sawi a. Project Genesis - chu  BBBP hnuaia project - niin Mamit District, Lunglei District, Lawngtlai District leh Siaha District - ah te kalpui tur a ni a, Lawngtlai District- chuan  hetiang hian kalpui a ni ang- Boropansury PHC Delivery Point hnuaiah- Boropansury-I, Boropansury -II, Silsury, Ugalsury, Boronasury leh Chhotapansury; Zochachhuah  Delivery Point hnuaiah- Zochhachhuah, Laitlang, T.Dumzau, Hmawngbuchhuah leh Dumzautlang; Tuithumhnar FC Delivery Point hnuaiah- Tuithumhnar, Hmawngbuchhuah; Vawmbuk Sub - Centre Delivery Point hnuaiah - Vawmbuk, Archhuang leh Tialdawngilung; Bungtlang South PHC Delivery Point hnuaiah- Bungtlang South, Saikhawthlir, Hmunnuam, Ngengpuitlang, Darnamtlang, Lunghauka leh Kawrthindeng te a nih thu a tarlang. 

Dr. Lalmuanawma Jongte, Sr. CMO chuan Lawngtlai District- a Damdawi In a nau neih zat chu 67.05% niin tun Poject Genesis kalpui  turah hian Damdawi In/Delivery Point - a nau neih chu  95% phak tum anih thu a sawi a. ANC - ah 63.15% (1st trimester ANC Registration) niin, Home Delivery chu 29.47% a nih thu a tarlang. Project Genesis-  ah hian Selected Village - ah Nu naupai - 350 Delivery Point/Damdawi In a nau neih beisei a nih thu a tarlang bawk. 

Beti Bachao Beti Padhao hnuaia 'Project Genesis' hawnna programme hi District Administration, Women & Child Development Department leh Health & Family Welfare Department tangkawp buatsaih niin, Pi Malsawmtluangi, Superintendent DC  Office chuan  lawmthu sawiin hun a khar.