2168/2026-2027

Lunglei, 2026 Mimkut Thla ni 10: Lunglei District Transport Officer (DTO) Pu Beitlotha Nohro chuan September ni 9, 2026 khan lirthei chhiah pe lo hrem theih dan chungchangah lirthei neitute leh mipuite hriattirna chhuahin, DTO Lunglei hnuaia lirthei ziah luh (motor register) tuna tlan (service) mek zingah chhiah pe lo tam tak an awm thu a tar lang a. Chhiah pe lote'n a rang lama pe thuai tura hriattirin, heti ang hi DTO Lunglei hnuaia lirthei chhiah pe lo dinhmun, a hremna dan leh chawi (fine) tur zat a nih thu a tar lang:

1. MV Tax (Road Tax):

Pe lo zat – 8,637

Chawi (fine) tur zat – ₹2,000 

2. Passenger Tax:

Pe lo zat – 1,394

Chawi (fine) tur zat – ₹2,000 

3. Goods Tax:

Pe lo zat – 1,893

Chawi (fine) tur zat – ₹2,000 

4. Fitness:

Pe lo zat – 5,038

Chawi (fine) tur zat – ₹5,000 

5. Permit:

Pe lo zat – 1,918

Chawi (fine) tur zat – ₹10,000 

Chhiahte hi online-in PariVahan-ah pek theih a nih thu leh Fitness leh Permit hi endik (inspection) leh DTO hming ziak (signature) a ngaih avangin office-ah buaipui tur a nih thu tar langin, motor kum 15 pel tawh tihnun thar (renew) loh leh chhiah (tax) pe lo chu khawih chet theih lohvin Black List-ah dah nghal zel an nih tur thu a tar lang bawk.