2167/2026-2027 

Dated Aizawl, the 10 September 2026: Vawiin khan Mizoram Cooperative Apex Bank Ltd. Board of Director Meeting chu Head Office ah neih a ni a. Meeting hi Pu Lalnunsanga, Chairman in a kaihruai a, Bank hmalakna hrang hrangte thlirletna hun hman a ni.

Board Meeting hian loan chi hrang hrang dilna a vaiin 149 –  cheng nuai 3630 chu pek a rem ti a. Heng loan te hi mimal, pawl leh society te hnena pek niin,  Tun tuma loan sanction zingah hian Biak In sakna atana pek chhuah a tam bera, dilna 74 – cheng nuai 1789 pek remtih a ni.

Tun dinhmunah Bank hian Deposit cheng Vaibelchhia 1932 nei mekin Loan cheng Vaibelchhia 1288 a pe chhuak a, sum kawl atanga loan pekchhuah tehfung (CD Ratio) hi 67% a ni a. Board Meeting chuan  Society pariat (8) te membership share lei dilna pek a rem ti a, tunah hian Shareholder Society 1121 an awm mek a ni. 

Apex Bank hian mipuite tana remchan zawk nan Branch awm lohnaahte nitina pawisa khawntu Pigmy Deposit Collector leh Business correspondent te a lak belh zel a, tunah hian Pigmy Deposit Collector 44 leh Business Correspondent 41 a chhawr mek bawk a ni.