2404/2026-2027

Lawngtlai, the 28th September, 2026 : Vawiin chawhnu dar 1:00 PM khan District Disaster Management Authority (DDMA) Lawngtlai District buatsaih 'Training Of First Responder (Under Disaster Management & Rehabilitation), DC Conference Hall- a neih chu Pu Donny Lalruatsanga, Bawrhsap leh Chairman, DDMA nibawk chuan a hawng a. Pi TT Beikhaizi, Addl.DC chuan hun a kaihruai.

Pu Donny Lalruatsanga chuan Official leh Volunteers kalkhawmte chungah lawmthu sawiin, lawm taka Training a hawn thu a sawi a. Chhiatrupna thleng theihna leh inralrin reng ngai vengte koh bik an nih thu sawiin, reilotea kan kut leh ke ber te an ni dawn ani, a ti. Vawiina training tur bik chu Lawngtlai District- in chhiatna a tawh thulha District- in nghahna tur in ni a, rilru leh taksa tih hrisel a ngai tiin, mawhphurhna an neihte hre reng turin a chah a. State sorkar hnuaiah SDRF awmin, Lawngtlai District - ah QRT Member-10 awm mekin, chung hote nen a thawk tur an ni a ti.Chhiatrupna hi englai pawha thleng thei a ni a, eng hun ah pawh chhe chhuak thei tura thiamna leh finna neih a tul hle a ti bawk. Bawrhsap chuan Training neih fo a nih tur thu sawiin, thatho taka training tur leh chhiatrupna a thlena hmantlak ni tura uluk taka training turin chah nghal bawk.

Pu Lalchhuanthanga MPS, Commandant, 3rd IR Batallion Thingkah chuan 'Role of First Responder in Disaster Incident' leh 'Crowd Control & Traffic Management Control' ah te traning a pe a ni.

Training of First Responders- ah hian YLA, Thingkah Branch; YLA AOC Veng Branch, YLA Council Veng Branch, YLA Chandmary Branch leh YLA College Veng Branch atangin mi 20 theuh an tel a ni.