2405/2026-2027

Dated Khawzawl, the 28th September, 2026 : Vawiin khan Khawzawl District Level Inspection Committee (DLIC) chuan an Chairman, Khawzawl Addl. Deputy Commissioner ni bawk Pu K. Zorammuana hovin Khawzawl-a Child Care Institution (CCI) pathum, Little Wood Girls Home, Exodus Boys Home leh Khawzawl Observation Home-te a hmunah tlawhin an endik.

District Mineral Foundation (DMF) Governing Council-in a rel angin DMF fund hmangin heng Home pathumahte hian RO water filter dah niin, vawiin khan hawn nghal an ni a. Mining tituten DMF-ah hian royalty leh fine an chhung lut thin a, DMF-a sum tlingkhawm hi a bo a bang awm lovin Pradhan Mantri Khanij Kshetra Kalyan Yojana (PMKKKY) scheme hnuaiah mining tihna district tihhmasawn nan leh mipuite tan tangkai taka hman tur a ni.

Vawiin hunah hian Home pathuma naupang enkawl an nih dante, harsatna an neihte leh hmasawn theih dante sawiho a ni.