2406/2026-2027

Dated: Aizawl the 28th of September,2026: Tourism Department buatsaihin vawiin chawhnu khan Tourism Minister Pu Lalnghinglova Hmar chuan World Tourism Day 2026 lawmna hun chu Khual Lian niin Zo Hall, Chaltlang Tourist Lodge Annex-ah a hmanpui. He hunah hian Mizoram Tourism Excellence Award 2026 lawmawm dawngtute puan a ni.World Tourism Day 2026 thupui hi “Digital Agenda & Artificial Intelligence to redesigning tourism” tih a ni.

Minister chuan tun digital leh AI khawvelah thlalak leh video kaltlangin Zo nun ze mawi leh Mizoram hmun hrang hrang hmuh tur a lo awm zela, kan ram pholang tur hian keimahni kan pawimawh hle a,kan ram mawina thehdarh hi kan mawhphurna theuh a ni a ti a. Pu Lalnghinglova Hmar chuan kan culture leh sakhuana hlauh loa khualzin mi te dawngsawng tur leh Mizoram hi tourist destination lian zawka bung thara kan kai theihnan kan vaia theihtawp kan chhuah a ngai a ni a ti.

Minister chuan festival hrang hrang rawn awm chho zel turah  (Anthurium Festival 1st October- 3rd October, Reiek leh Ailawng a neih turte, Travel Fest te, Hnahsin Kut, Champhaia neih turte, Leitlangpui festival, Winter festival leh a dangte) a tam thei ang ber kal turin mipuite chu a sawm a, Mizo te hi kan ramah khualzin (local tourist) kan ni theia, kan ram chhung hmun mawi leh nuam tak tak te fang kuala, Mizoram pawna ami kan hip theihnan a zau thei ang berin social media a thehdarh a tul a ni a ti.

Tourism Minister chuan Mizoram chu tourist destination lian leh zuala siam kan tum chuan mawhphurna tam tak a awm a ni a ti a, thlenna in (Homestay/hotel) te chuan an hmun hma te thianglim leh fai taka vawn a tul a, dan anga inziak lut theuh turin uar zawka inzirtirna neih a ngai a ni a ti. Mizoram chu chhungkuaa tlawh tlak ni thei turin hmun ralmuang leh mi tin tana him turin hma kan lak a ngai a, kan Zonun ze mawi lantira khualzin mite kan lo dawngsawng tur a ni a ti a. Minister chuan kan theihna zawn theuha tangruala Mizoram hi khualzin mite kal chakna ni thei turin tan la vek turin World Tourism Day ah mi tinte a sawm a ni.

Vawiin hun hi Pi C Ramsangzuali, Tourist Officer chuan kaihruaiin Pi Zarzokimi, Addl Secretary,Tourism Department chuan inlawmna thu a sawi a.Dr. Lalrozama, IAS, Commissioner & Secretary, Tourism Department hnen atangin world tourism day chungchang ngaihthlak niin Responsible travel pledge (intiamkamna)neih a ni.

Vawiinah hian Mizoram Tourism Excellence Award Winner 2026 te puan a ni a, lawmman dawngtute chu

1. Most friendly Tourist Destination: Sialsuk

2. ⁠Best Restaurant/cafe in Mizoram: 14 Beans

3. ⁠Best Two wheeler Taxi:Moses Laltlanhlua, Edenthar Veng. ID No -3317

4. ⁠Best Tourism Promoter: mizoraminsta (ig)

5. ⁠Best Yuva Tourism Club: C.Zakhuma Higher Secondary School

6. ⁠Best Taxi:Lalrinmawia, Maubawk MTA No -1463

7. ⁠Best Guesthouses/Inn/Hotel/Lodge in Mizoram:Rest Inn

8. ⁠Best Hotel in Mizoram:Royale Lalawi Hotel

9. ⁠Best Homestay in Mizoram: Connerstone Homestay

10. ⁠Best Tour Operator in Mizoram: Xplora Tours &Travels

Prop : Dinsanga Benjamin

11. Best Tour Guide: Lalchhantluanga

Tourism Ideathon - 2026: Yuva Tourism Club Competition result puan niiin lawmman dawngtute chu

1. 1st Prize: J Buana College Yuva Tourism Club,Lunglei 

2. 2nd Prize:Government Serchhip College Yuva Tourism Club,Serchhip 

3. 3rd Prize: Govt KM Higher Secondary School,Yuva Tourism Club, Aizawl

4. Best Destination Video-Women’s Polytechnic, Aizawl te an ni.