3600/2024-2025

Dated Lawngtlai, 18th December 2024: Vawiin khan District Sericulture Office, Lawngtlai  bul tumin an Office kawt zawlah 'Eri cut Cocoon Flag off Programme' hman a ni a. He hun hi Pu Cheemala Siva Gopal Reddy, IAS, Lawngtlai bawrhsap chuan hmanpuiin 'Eri Cut Cocoon'  hi a vailiam.

Thu sawi chhunzawmin Pu Cheemala Siva Gopal Redy, IAS chuan Sericulture Department hmalakna chu fakin, hun rei lote chhung a sum lakluhna tha tak farmers ten an nei thei chu lawmawm a tih thu a tarlang a . Lawngtlai district chu Mizoram mai nilo India ram thleng pawh a 'silk cocoon'  thar chhuak tam ber ni thei tur a tan la thar turin a chah a ni.  Bawrhsap chuan an Department - hmalakna hrang hrangah puih theihna apiang a puih a inhuam thu a sawi a. Pu Cheemala Siva Gopal Reddy chuan District Sericulture  Officer leh Staff- te chu Lawngtlai district chhunga pangang khawitute tana theihtawp chhuah zel turin a chah nghal bawk.

He hunah hian  Pu Lalrammawia,  District Sericulture Officer, chuan kumin chhung a an cocoon thar chhuahte chu Directorate Office,  Chaltlangah an thawn phawt ang a,  chumi hnuah phai lamah an hralh leh tur thu a sawi a. Kumin an   bul tan kum ni chunga  Cocoon quintal- 3 chuang leh buhchium quintal - 20 chuang an thar thei chu thil lawmawm tak a ni, a ti. A bik takin buhchium chu Local Market -ah hralh a kal thu sawiin,  farmer-  te sum lakluhna ber pakhat a nih thu a tarlang. Pu Lalrammawia chuan Silk Cocoon  leh buhchium an thar zawng zawng hlut zawng chu cheng nuai - 13 chuang anih thu tarlangin,  Pangang khawi lama tui thar turin Lawngtlai mipuite a sawm  a ni.

Eri cut Cocoon Flag off Programme -  hmannaah hian Pangang khawitute leh  District Sericulture Office- a thawkte an tel thei a ni.