3599/2024-2025

Dated Hnahthial, the 18th December, 2024: Vawiin khan District Urban Development Office (DUDO) kaihruaina hnuaia Hnahthial Town Sanitation Task Force leh Sub Headquarters YMA te tangkawpin a an buatsaih, Hnahthial Town chhunga Veng Fai Inelna a ti tha te lawmman semna chu Hnahthial DC Meeting Hall-ah neih niin Bawrhsap, Pi Rita Lalnunmawii Pachuau chuan lawmman hi veng chhung YMA hruaitute hnenah a hlan a ni.

Bawrhsap chuan faina inelna a lawmman dawngtute chu fakawm a tih thu sawiin inelna piah lamah pawh veng tihfai lo chhunzawm zel turin a chah a. Faina pawimawhna hi kan thil hriat reng tawh mah ni se in hrilh nawn fo tluk a awm loh thu sawiin faina chungchang hi a bikin naupangte hnenah inzirtir uluk a tul a ni a ti a. Fai hi naupan lai atanga intuh tan a tul a ni tiin theihtawpin naupang te hnenah zirtir a, an entawntlak tura fai hi a tul a ni a ti bawk. Fai tur chuan mi zawng zawng tanrual a tul thu sawiin mitin chu bawlhhlawh kan paihna hmun te uluk turin a chah a ni.

YMA hruaitute hnenah thu sawiin faina a ni emaw, eng kawngah pawh sorkar chuan thahnem ngai takin tan han la viau thin mah se, a veng neitu tak tak zawk ten hma an lak loh chuan hmasawnna a awm tak tak thei thin lo a ni a ti.

Faina Inelna result chu tiang hi a ni :-

Pakhatna - Chanmari Veng ( Lawmman - Rs. 30,000)
Pahnihna - Model Veng ( Lawmman - Rs. 20,000)
Pathumna - Lungleng Veng ( Lawmman - Rs.10,000)

YMA Branch dang paruk - Electric, Electric North, Bazar, Kanaan, Venglai leh Peniel te pawhin participation prize la in Rs. 5,000 theuh an dawng a ni.