5036/2025-2026

Lawngtlai, 30th March 2026: Vawiin khan Lawngtlai Bawrhsap Pu Donny Lalruatsanga chuan a Office Chamber-ah Lawngtlai khawpui chhunga Filling Station neitute leh Gas Agency - te a kawm.

Pu Donny Lalruatsanga chuan kalkhawmte hnena lawmthu sawina a nei hmasa a. Gas leh tuialhthei chu mipuite mamawh a nih angin 'stock' tam tawk neih reng a tul hle a ni, a ti. Iran buaina avangin tuialhthei leh Gas tlakchham a awm thei tih tarlangin, mipuite mamawh ang ang pe reng thei tura inring turin Filling Station leh Gas Agency - neitute a chah a. Tun dinhmunah gas leh tuialhthei dinhmun a tha tawk chu lawmawm a tih thu tarlangin, inkhuahkhirhna erawh siam a tul hle tiin, a hma lama 'Order' chhuah a nih tur thu a sawi a ni. Pu Donny Lalruatsanga chuan Lawngtlai mipuite mamawh ngaihtuah reng a nih thu sawiin, mipuite chiai lo tura chahin, a tul anga hmalak zel a nih tur thu a tarlang bawk.

Inkawmnaah hian Lawngtlai khawpui chhunga Filling Station leh Gas Agency - te chuan report tlangpui peiin, tun dinhmunah 'stock' a tharmt thu an tarlang a. District bawrhsap thupek ang zela kal an tum thu sawiin, order - chhuah a nih hunah an zawk tur thu an sawi a ni.