5035/2025-2026

Lawngtlai, 30th March 2026: Vawiin khan Lawngtlai District Arm Wrestling Association-te chuan Bawrhsap Pu Donny Lalruatsanga chu a Office Chamber-ah an kawm.

Pu Donny Lalruatsanga chuan Arm Wrestling chu Mizoram piah lamah khawvela infiamna lian ber pawl a nih thu tarlangin, mi tam takin eizawn nan an hmang nasa hle a ni, a ti a. Infiamna changkang leh hming chherna tha tak a nih thu sawiin, theihtawp chhuaha khelh zel a tul thu a sawi a. Mizoram mai ni lo India ram tihmingthatu ni turin theihna an nei tih inhriaa an theihna zawng zawnga khelh chhunzawm zel turin a chah a. Mizoram State Arm Wrestling Championship 2026- a Lawngtlai District Arm Wrestling Association- te hlawhtlinna ropui a tih thu tarlangin, hmalam hunah pawh tha taka khelh chhunzawm zel tura chahin, bawrhsap a nihna angin a tul apianga tanpui a inhuam thu a sawi bawk a ni.

Lawngtlai District Arm Wrestling Association-te hian hlawhtlinna kawng hrang hrangin an lo nei tawh thin a. Tun hnaia an hlawhtlinna zingah Mizoram State Arm Wrestling Championship 2026 (25th -27th March) Aizawla neihah Gold- 4, Silver- 1, Bronze- 7, lain a pumpuiah Panga na an ni.