1056/2026-2027

Lawngtlai 18th June, 2026: Vawiin khan Lawngtlai bawrhsap Pu Donny Lalruatsanga chuan Gilead Drop- In Centre, Lawngtlai Bazar chu a hmunah kalin a tlawh.

Pu Donny Lalruatsanga chuan Lawngtlai District-mipuite tana Gilead Drop-In Centre te hnathawh fakawm a tih thu tarlangin, hma lam hunah pawh thahnem ngai taka thawk turin a fuih a. HIV/AIDS-  do kawngah tha thlah theih loh a nih thu sawiin, a do kawngah tanho a ngai hle a, District Administration chuan theihtawp a chhuah zel tur thu a tarlang a ni. Ruihlo do kawngah Ruihhlo mamawhtu tih tlem chu thil pawimawh hmasa tak a ni tiin, hemi kawngah hian chak leh mumal zawka hmalak a tul hle a ti a. Lawngtlai District- ah HIV/AIDS a darh zel lohna turin,  sawrkar,NGO, Kohhran leh mipuite an pawimawh tak zel tih tarlangin, bawrhsap chuan thawkho zel turin a sawm nghal bawk.

Bawrhsap hi thawktute’n lo dawngsawngin, Office hmunhmate fanpuiin an hnathawh tlangpuite  lo hilhin,  mamawh leh qharsatna an neihte an lo thlen a. Pu Donny Lalruatsanga chuan  mamawh an neihte zingah Water Filter- chu pek an nih tur thu a sawi a. Mamawh dang  bakah an harsatna an neihte  chin fel pui tura hmalak a nih tur thu a sawi a.  HIV/AIDS kaihhnawiha hma lak dan turah  ruahmanna  kawng hrang hrangte an sawiho bawk  a ni.