4676/2025-2026

Lawngtlai, the 3rd March, 2026 : Vawiin chawhnu dar 1:00 PM khan Lawngtlai Bawrhsap Pu Donny Lalruatsanga chuan Ruihhlo ngaite enkawlna, Lairam Rescue Centre ( LRC) a hmunah kalin a tlawh.

Bawrhsap Pu Donny Lalruatsanga chuan Lawngtlaia ruihhlo hluar chu mutmawh hnarmawha neih a ngai tih sawiin, Sorkar pawn theihtawp a chhuah thu leh Operation Jericho - kalpui mek chuan Lawngtlai District- a ruihhlo luttur a tiziaawm hle a ti. Lairam Rescue Centre - in ruihhlo ngaite enkawla chhanchhuah hna an thawk chu fakawm a tih thu sawiin, an hna tha taka hlenchhuak zel turin a fuih a. Ruihhlo ngai awm mekte pawh mahni insiamtharna hmuna nei a, khawtlang tana mi tangkai tak an la ni thei reng tih tarlangin, hma lam hunah Ruihhlo lakah fihlim theuh turin duhsakna a hlan nghal a ni.

LRC Superentendent Rev. Lianchhunga leh thawktu dang ten lo dawngsawngin, Centre dinhmun tlangpui Bawrhsap hian en in, Centre enkawltute chuan Bawrhsap hnenah an mamawh hrang hrang an thlen chu Pu Donny Lalruatsanga chuan theih ang anga lo bawhzui a tum thu a sawi a ni.

Lairam Rescue Centre hi Lairam Isua Krista Baptist Kohhran in kum 2021 a din a ni a, Lairam Rescue Centre hi Lawngtlai bul, Mampui kawng a awm niin, tun dinhmun ah mi - 15 enkawl mek an ni a, Superentendent hovin thawktu mi - 13 an awm mek a ni.

Bawrhsap hi Pu Lalrindika SDC leh MJA Lawngtlai ten an tawiawm a ni.