4888/2025-2026
Lawngtlai, the 17th March, 2026 : Vawiin chawhnu dar 3:00 pm khan Lawngtlai Police ten 2025 February atanga 2026 February thla inkara ruihhlo an man cheng Nuai 265 sing 6 sang 9 za 3, sawm thum paruk ( Rs. 2,65,69,336/-) chu vawiin khan Lawngtlai Bawrhsap Pu Donny Lalruatsanga hovin an tichhia.

Bawrhsap Pu Donny Lalruatsanga chuan ruihhlo dovin Sorkar chuan theihtawp a chhuah thu sawiin, Operation Jericho chu ṭha leh chaktakin District chhungah kalpui a ni, a ti . Tlawmngai pawl hrang hrangte nen thawhhona thatak hnuaiah ruihhlo do a ni chu lawmawm a tih thu sawiin Lawngtlai District chu ruihhlo lakah a fihlim chhoh a beisei thu a sawi bawk.

Pu PC. Lalchunglura, Superintendent of Police chuan vawiin a ruihhlo tihchhiatte hi Methamphetamine 8.127 Kgs. Opium 34.12 Kgs. leh Heroin Grams 220 a ni tih a tarlang a ni.

Lawngtlai Police ten ruihhlo an man hi District Hospital a bawlhhlawh paihna ah damdawi hmanga chiah chhiain paih a ni.