4887/2025-2026

Dated Aizawl, the 17th March, 2026 : Vawiin khan Pi Lalrinpuii, Minister, Social Welfare, Women & Child Development Department kaihhruaina hnuaiah State Advisory Board on Disability meeting neih a ni.

Minister Pi Lalrinpuii chuan State Advisory Board member-te chu Mizoram pum aiawha rualbanlote tana kalkhawm an ni tih hre reng tura chahin, an theihtawpa an tha leh zung leh rilrute pianphung leh rilru lama chanhaite tana seng turin a fuih a. Rualbanlohna chi hrang hrang a pung zel tih sawiin, an hamthatna humhalh leh hmasawnna turte ngaihtuah zel chu Chief Minister nena an thil ngaih pawimawhte zinga lian tak a ni tih a sawi bawk a. Hemi avang hian Commissioner for Persons with Disabilities chu he thutkhawm hi buatsaih turin a hrilh a, meeting hi neih a lo ni ta a ni, a ti.

Minister chuan Commissioner for Persons with Disabilities chu dinhmun pawimawh tak a ni tih tarlangin, a hnathawh hi mipuite hriata chiang taka pholan ni ngei se a duh tih a sawi a, a mamawhtute tan Chaltlang Field Kawng, Aizawl-ah pan theih a ni tih a sawi tel bawk a ni.

Vawiin meeting-ah hian a hnuaia hmalakna tur pawimawh tak takte hi sawiho a ni :-

1. Mizorama Special School-te tihchangtlun

2. Govt. Primary School – II, Durtlang chu Special School atana ruat

3. B. Ed. In Special Education a awm theih nana hmalak

4. Rualbanlote tana tanpuina chi hrang hrangte ennawn ni se

5. Rualbanlo zirlaite tana Reader and Scribe Allowance pek dan tur

6. Rualbanlote tan bika Healthcare Scheme duan chungchang

7. Rualbanlo enkawl ngai bikte tana hamthatna

8. Government e-Office platform chu rualbanlote tana awlsam zawka hman theiha siam

9. Women & Child Development Department-in rualbanlo hnuchham naupang a enkawl mekte tana hamthatna tur hrang hrang.

State Advisory Board on Disability hi rualbanlote tana board pawimawh em em mai, an hmakhua leh hamthatna humhalh kawnga thurawn petu, consultative leh advisory board a ni a. He Board-ah hian Department hrang hrang hotute bakah rualbanlo aiawh pawlte member an ni.