2861/2025-2026 

Lawngtlai, 9th January 2026 : Vawiin khan Lawngtlai Bawrhsap Pu Donny Lalruatsanga chuan NH- 02 Thingkah piaha Pi Awngi tuikhur leh 3rd IR Battalion inkar, (300 Metre ) ABCi - ten laihzau hna an thawh mek chu a hmunah kalin a enfiah.

Pu Donny Lalruatsanga chuan ABCi - ten chak taka hna an thawk nia ahriat thu tarlangin, tun dinhmunah motor kal theih ni mahse, nuam zawka an hman thuai theihna tura chak tak a hmala zel turin a chah a. Kawngpui zauh hna chu zawh tawh ni mahse, Black topping, Culvert leh parapet - te siam leh a ngaih dawn avangin, tha thlah theih a ni lo a ti. Bawrhsap chuan ABCi - te chu mipuite mamawhna hriaa chak zawk leh tha taka hnathawk zel turin a chah nghal bawk.

ABCi hotute chuan bawrhsap hmalakna vanga kawngpui laih zau hna thawh theih a nih thu sawiin a chungah lawmthu an sawi a. ABCi - te hnen atanga thudawn danin kawngpui Black topping leh parapet siam hna hi kumin March thla chhunga zawhfel tura beisei a ni.