2862/2025-2026

Dated Aizawl, the 10th January, 2025 : Rural Development & Administration Department Minister Prof. Lalnilawma chu NITI Aayog hmalakna-a buatsaih National Workshop on ‘Sustaining Innovation: Embedding R&D in State Institutions’ Amrita Vishwa Vidyapeetham, Coimbatore-a neihah a tel.

He Workshop hi NITI Aayog, State Support Mission, Tamil Nadu State Council for Science and Technology leh Amrita Vishwa Vidyapeetham, Coimbatore-te ṭangho buatsaih niin, Amrita Vishwa Vidyapeetham, Coimbatore-ah January 8-9 chhung neih a ni.

He Workshop-ah hian thupui hrang hrang sawiho a ni a. A ni hnihna-a Technical Session – ‘Linking Grassroots Innovation to State Policy’ tih sawihona-ah Minister Prof. Lalnilawma chuan hun kaihruaiiin, hemi thupui bikah thuhma sawina leh a tawpa khaikhawmna hun a hmang a.

Minister chuan sawihona khaikhawmin, thuneitu sang zawkten a hnuai lamte (grassroots) mamawh nia an ngaih angin thil ṭha tak tak siam chhuak ṭhin mahse, grassroots level-a a hmang tangkai tur tak takte nena a tir atanga inrawn leh sawiho a awm ṭhin loh avangin kan ṭangkai pui ṭhin lova. Chuvangin innovation, a bik takin grassroots level-a kan kalpui dawn a nih chuan, a tirte aṭanga a chhawr tangkai turte nen sawihova ruahmanna kan siam a ngai. Hei hi Sorkar laipui leh State Sorkar-te pawn kan theihnghilh ngai tur a ni lo, a ti a.

He Workshop-ah hian NITI Aayog Vice Chairman leh Member-te bakah mithiam sawm bikte an tel ṭha hle.