5009/2025-2026

Lawngtlai, 27th March 2026: Vawiin khan Lawngtlai Bawrhsap Pu Donny Lalruatsanga chuan Lawngtlai khawpui chhunga tuialhthei dinhmun enfiahin Filling Station hrang hrangte a hmunah kalin a tlawh.

Pu Donny Lalruatsanga chuan tuialhthei lei leh hralh chungchangah khauh zawka kalpui angaih thu a sawi a. Lawngtlai district tana lo thleng tuialhthei leh eirawngbawlna gas hi hmun dang leh ram dangah a chhuah kan remti lo, ram chhunga cheng mipui (consumer) te hi dah pawimawh hmasak ber tur a ni, a ti. Kawnga thang mek pawh a thlenna tur hmun thleng lova hruaikawi leh khawih chingpen a awm loh nan chak taka hma lak anih thu a sawi a ni.

Bawrhsap chuan tuialhthei (POL) ah Stock 8000 Litres chinah bura pekchhuah phal a nih loh thu sawiin, Litres 5000 chinah permit hmanga pekchhuah tawh tur a nih thu Filling Station neitute hi a hrilh a ni.

Lawngtlai khawpui chhungah petrol leh diesel dinhmun a tha thawkhat hle a, March ni 27, 2026- a Lawngtlaia diesel leh petrol dinhmun chu:-

1. Mavula Filling Station - Diesel ( 3700) Petrol ( 2000)
2. F. Rothuama Filling Station - Diesel ( 20000) Petrol (7400)
3. Mizo Fed Filling Station - Diesel ( 17000) Petrol ( 15000)
4. B. Sangchema Filling Station -Diesel ( 1500) Petrol ( 4000)

Bawrhsap hi Pu David Lalrinawma,Addl. DC, Pu Lianchhuma Chinzah, DCSO, leh Pu Ng. Lalchamliana, OC, ten an tawiawm a ni.