3437/2024-2025

Dated Lawngtlai, 9th December 2024 : Vawiin chawhnu khan Pu Cheemala Siva Gopal Reddy, IAS, Lawngtlai District bawrhsap kaihhruaiin 'General Pool of Accomodation ' chungchang sawihona neih a ni.

Pu Cheemala Siva Gopal Reddy chuan kalkhawmte hnena lawmthu sawina a nei hmasa a. Lawngtlai District chhunga sawrkar hnathawkten chenna tur 'quarters' tha tak an neih vek na tura hmalakna  tur tangkai tak  a nih thu tarlangin, Department hotute chu ngaipawimawh turin a chah a. General Pool of Accomodation -  a tak a  kalpui theih a nih chuan sawrkar hnawthawk ten an tangkaipui dawn hle a ni  tiin bawrhsap chuan December ni 15 hma ngeia 'quarters' an mamawh zat bakah  'Land Pass' an neihte DC Office - a thehlut turin a chah nghal bawk.

Vawiin thutkhawmah hian Department hrang hrang ten Officer leh Staff awm zat bakah quarters an mamawh dan tlangpui report pekna an nei a. Heng an mamawh ang angte hi DC lamah ziaka thehluh nise tiin, DC office lam hian Mizoram sawrkara  General Administration Department (GAD) hnenah an thehlut leh dawn a ni.