2295/2026-2027

Lawngtlai, the 22nd September, 2026 : Vawiin chawhma dar 11:00 AM khan DC Office Chamber- ah Bawrhsap leh Chairman ni bawk Pu Donny Lalruatsanga kaihhruaiin Nasha Mukt Bharat Abhiyan (NMBA) hnuaia 'Salvation Camping Organising Committee' thutkhawmna neih a ni.

Pu Donny Lalruatsanga chuan member kalkhawmte hnenah lawmthu a sawi a. Nasha Mukt Bharat Abhiyan- chu Ruihhlo that loh zia inzirtirnna (Awareness Campaign) niin Lawngtlai District- pawhin cheng nuai 25 a dawng thei dawn a ni, ati. Bawrhsap chuan NMBA hnuaia 'District Level Drug Demand Reduction Committee' din niin hmalakna tur hrang hrang an duan zing a mi Ruihhlo ngaite puala Salvation Camping- buatsaih a ni dawn a ti a. Ruihhlo do kawngah nasa zawka tan lak a nih tur thu sawiin, VC, Tlawmngai Pawl, Kohhran leh Lawngtlai mipuite thawhpuiah a sawm nghal bawk a ni.

Thutkhawmah hian Nasha Mukt Bharat Abhiyan (NMBA) ruihhlo Do awareness campaign hnuaia hmalak na tur Salvation Camping (Ruihhlo ngaite pual) buatsaih hun atan Ni.8, Febuary, 2027 nise , a hmun atan LIKBK Center Church beisei a ni a, Speaker atan Evan R. Lalthantluanga beisei a ni. Fund Rising Committee - atan Organising Committee rin nghal ni se tih a ni a, Nasha Mukt Bharat Abhiyan atangin cheng nuai 2 dah anih thu ngaihthlak a ni a. LADC Area chhunga MLA leh MDC- te leh Lawngtlai khawchhung Kohhhran lian deuhah te dilna siam nise tih a ni. Mimal leh Pawl anga mi inphal te tan tanpuina pek theih tura ruahmanna siam ni se tih a ni bawk. Ni 13, October 2026 hian Organising Committe, LIKBK Center Church Kohhran hruaitute, Superintendent Of Police leh Medical Department- ten thutkhawm neih leh ni se tih a ni.

Thutkhawm ah hian Salvation Camping Organising Committee Member-te an tel tha hle a, Bawrhsap chuan lawmthu sawiin thutkhawm hi a khar.