2294/2026-2027

Lunglei, 2026 Mimkut Thla ni 22: Vawiin khan Bharat Scouts & Guides (BSG), District Council, Lunglei District-a Vice President Pu Lalzuithanga (Chairman, Lunglei Municipal Council) chuan a pisaah District Headquarters Commissioner (Scout) thar atan Lunglei District Information & Public Relations Officer Pu C. Lalhruaitluanga chu BSG dan angin a lawm lut.

BSG District Council Lunglei member thar lawm luhna (investiture)-ah hian District Secretary Pu Rozamliana (District Sports & Youth Officer, Lunglei), Assistant Organiser (Guide) Nl. C. Vanlalzawni leh Group Leader Representative (Guide) Pi Babie Malsawmthangi te an tel a. BSG kalphung, District Council hmachhawp leh hriat tur pawimawh hrang hrang an inhrilhfiah nghal.

BSG District Council Lungleiah hian kum 2026–2031 atan District Council Member 34 an awm mek a. District chhunga sikul hrang hrangah Scouts & Guides leh Cubs & Bulbuls dingin, Lunglei District Headquarters-ah Rovers & Rangers din a ni bawk.